1 Samuel 16:7 - Yn Vible Casherick 1775 1819

⁷ Agh dooyrt y Chiarn rish Samuel, Ny jeeagh er e eddin, ny cre cha thollee t’eh; son dy vel mee er n’obbal eh; son cha vel y Chiarn fakin, myr ta dooinney fakin; son ta dooinney briwnys cordail rish ny t’eh fakin, agh ta’n Chiarn fakin y cree.

1 Samuel 16:7 ပူးပေါင်းရင်းမြစ်များ

Genesis 4:5

Agh jeh Cain as jeh e oural cha ren eh soiaghey: as va Cain feer jymmoosagh, as va groam er e eddin.

2 Samuel 14:25

Agh ayns ooilley Israel, cha row dooinney dy ve soylit rish Absalom son e aalid: veih boyn e choshey eer gys mullagh e ching cha row lheamys erbee er.

2 Samuel 7:20

As cre smoo oddys David gra rhyt? son t’ou uss, Hiarn Yee, toiggal cree dty harvaant.

1 Reeaghyn 8:39

Eisht jean uss clashtyn ayns niau dty ynnyd-vaghee, as leih daue, as jean, as cur da dagh dooinney cordail rish e raaidyn, ayd ta fys cre t’ayns e chree; (son ayd’s, dy jarroo ayd’s dty-lomarcan, ta fys cre t’ayns creeaghyn ooilley cloan gheiney;)

1 Recortyssyn 17:18

Cre smoo oddys David y yeearree jeed’s, son onnor dty harvaant? son shione dhyt cree dty harvaant.

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

2 Recortyssyn 16:9

Son ta sooillyn y Chiarn roie noon as noal trooid y slane seihll, dy hoilshaghey eh-hene dy ve niartal er y cheu ocsyn ta lesh cree firrinagh treishteil ayn. Ayns shoh t’ou er n’yannoo dy ommijagh; shen-y-fa veih’n traa shoh magh bee oo seaghnit lesh caggey.

2 Recortyssyn 6:30

Eisht jean uss clashtyn veih niau dt’ynnyd-vaghee, as jean leih, as cur cooilleeney da dy chooilley ghooinney cordail rish ooilley e raaidyn, ayd’s ta fys cre t’ayns e chree (son ayd’s dty-lomarcan ta fys cre t’ayns creeaghyn cloan gheiney.)

Lioar Yob 10:4

Vel sooillyn foalley ayd? ny vel oo fakin myr ta dooinney fakin?

Lioar Yob 35:5

Cur-my-ner ny niaughyn, as jeeagh; as cur-my-ner ny bodjallyn, ta ny syrjey na uss.

Psalmyn 139:2

T’ou uss mygeayrt my chassan, as mygeayrt my lhiabbee: as fakin ooilley my raaidyn.

Psalmyn 7:9

O lhig da olkys ny mee-chrauee cheet gys jerrey: agh jean uss yn sleih ynrick y leeideil.

Raaghyn Creeney 15:11

Ta niurin as toyrt-mow kiongoyrt rish y Chiarn, cre wheesh smoo ta creeaghyn cloan gheiney.

Raaghyn Creeney 16:2

Ta ooilley raaidyn dooinney glen ayns e hooillyn hene: agh ta’n Chiarn meihaghey ny spyrrydyn.

Raaghyn Creeney 24:12

My jirrys oo, Cur-my-ner, cha row toiggal ain jeh: nagh vel eshyn ta ronsagh y chree, goaill baght jeed? as eh ta coadey dt’annym, nagh vel eh fakin shoh? as nagh jean eh cooilleeney dy chooilley ghooinney cordail rish e obbraghyn?

Raaghyn Creeney 31:30

Cha vel stoamid agh son shallid, as aalid te fardail: agh ben ta goaill aggle roish y Chiarn, yiow ee shen moylley.

Jeremiah 11:20

Agh, O Hiarn ny sheshaghtyn flaunyssagh, ta cur briwnys cairagh, ta prowal ny meeghyn as y cree, lhig dou fakin dty cherraghey orroo; son hood’s ta mee er hoilshaghey my chooish.

Jeremiah 17:10

Ta mish y Chiarn ronsaghey yn cree, ta mee prowal ny meeghyn, eer dy chooilleeney da dy chooilley ghooinney corrym rish e raaidyn, as cordail rish mess e obbraghyn.

Jeremiah 20:12

Agh, O Hiarn ny sheshaghtyn flaunyssagh, ta prowal yn vooinjer chairal, as cur-my-ner ny meeghyn as y cree, lhig dou fakin dty cherraghey trome orroo: son hood’s ta mee er n’osley my chooish.

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Noo Ean 7:24

Ny jean-jee briwnys rere yn caslys, agh jean-jee briwnys cairagh.

Noo Ean 8:15

Ta shiuish briwnys lurg briwnys ny foalley; cha vel mish briwnys dooinney erbee.

Jannoo 1:24

As ghow ad padjer, as dooyrt ad, Uss, Hiarn, ayd ta fys cre t’ayns cree dy chooilley ghooinney, soilshee quoi jeh’n jees shoh t’ou er reih.

2 Corinthianee 10:10

Son ta ny screeunyn echey (jir adsyn) breeoil as niartal, agh dy yeeaghyn er y dooinney hene t’eh annoon, as e ghlare dyn bree.

2 Corinthianee 10:7

Vel shiu briwnys reddyn lurg y caslys er cheu-mooie? my ta dooinney erbee treishteil huggey hene, dy vel eh lesh Creest, lhig da shoh neesht ’ghoaill mârish, myr t’eshyn lesh Creest, dy vel shinyn lesh Creest myrgeddin.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

1 Peddyr 2:4

Cheet huggeysyn, myr gys clagh bio, mee-lowit dy jarroo liorish deiney, agh reiht liorish Jee, as deyr,

1 Peddyr 3:4

Agh lhig da ve yn dooinney follit ’sy chree, ayns shen nagh jed naardey, dy jarroo yn coamrey dy spyrryd meen as feagh, ta mooar soit jeh ayns shilley Yee.

Ashlish 2:23

As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.

1 Samuel 2:3

Ny loayr-jee arragh lesh wheesh dy voyrn; ny lhig da mooaralys cheet magh ass nyn meeal: son ta’n Chiarn ny Yee dy hushtey, as liorishyn ta obbraghyn deiney er nyn dowse.

1 Samuel 9:2

As va mac echey va’n ennym echey Saul, reih dooinney aeg as aalin; as cha row mastey cloan Israel persoon ny stoamey na eh: veih e gheayltyn seose v’eh ny s’thollee na veg jeh’n pobble.