1 Samuel 16:19 - Yn Vible Casherick 1775 1819

¹⁹ Shen-y-fa hug Saul chaghteryn gys Jesse, as dooyrt eh, Cur hym’s David dty vac, ta marish ny kirree.

1 Samuel 16:19 ပူးပေါင်းရင်းမြစ်များ

1 Reeaghyn 19:19

Myr shoh jimmee eh roish veih shen, as hooar eh Elisha mac Shaphat, va traaue lesh daa chubbyl jeig dy ghew roish, as eh-hene marish yn ghaa-yeigoo: as hie Elijah shaghey, as cheau eh e chloagey er.

Psalmyn 113:8

T’eh cur er y ven ghennish dy reayll thie: as dy ve ny moir ghennal dy chloan.

Amos 1:1

Ashlish Amos, va mastey bochillyn Tekoa, shen honnick eh mychione Israel rish lhing Uzziah ree Yudah, as rish lhing Yeroboam, mac Yoash ree Israel, daa vleïn roish yn craa-thallooin.

1 Samuel 16:11

As dooyrt Samuel rish Jesse, Nee ad shoh ooilley dty chloan? As dooyrt eh, Ta foast fer saa n’ad shoh, as cur-my-ner, t’eh bochillagh ny kirree. As dooyrt Samuel rish Jesse, Cur fys er e hon: son cha soie mayd gys y voayrd derrey hig eh.

1 Samuel 16:18

Eisht dreggyr fer jeh ny sharvaantyn, as dooyrt eh, Cur-my-ner, ta mee er vakin fer jeh mee Jesse yn Beth-lehemite, dy vel eh cloieder schleioil, as dooinney feer dunnal, as dooinney caggee, as tushtagh ayns cooishyn, as persoon stoamey, as ta’n Chiarn mârish.

1 Samuel 16:20

As ghow Jesse lught assyl dy arran, as boteil feeyney, as mannan, as hug eh ad lesh David e vac gys Saul.

1 Samuel 17:15

Agh hyndaa David veih Saul, dy vochillagh kirree e ayrey ec Beth-lehem.