1 Samuel 16:14 - Yn Vible Casherick 1775 1819

¹⁴ Agh ren Spyrryd y Chiarn Saul y hreigeil, as v’eh seaghnit lesh spyrryd dy olkys veih’n Chiarn.

1 Samuel 16:14 ပူးပေါင်းရင်းမြစ်များ

2 Samuel 7:15

Agh my vyghin cha goym voish, myr ghow mee veih Saul, eshyn ren mee scughey veih dt’eddin.

1 Reeaghyn 22:19

As dooyrt eh, Eaisht uss, er-y-fa shen, rish goo’n Chiarn: Honnick mee yn Chiarn ny hoie er e stoyl-reeoil, as ooilley sheshaght-flaunyss ny hassoo liorish, er e laue yesh as er e laue hoshtal.

1 Reeaghyn 22:22

As dooyrt y Chiarn rish, Cre’n aght? As dooyrt eh, Hem’s magh, as bee’m my spyrryd breagagh ayns beeal ooilley e adeyryn. As dooyrt eh, Nee oo eh y choyrlaghey, as hig eh lhiat myrgeddin: immee, as jean myr shen.

Psalmyn 51:11

Ny tilg mee ersooyl veih dt’enish: as ny gow dty Spyrryd Casherick voym.

Hosea 9:12

Ga dy vel ad troggal nyn gloan, ny-yeih neem’s ad y roostey, nagh bee dooinney jeu faagit: dy jarroo smerg dauesyn myrgeddin, tra nee’m ad y hreigeil.

Briwnyn 16:20

As dooyrt ee, Ta ny Philistinee ort, Samson. As ghooisht eh ass e chadley, as dooyrt eh, Hem’s magh myr boallin, dy chraa mee-hene. As cha row fys echey dy row yn Chiarn er hreigeil eh.

Briwnyn 16:29

As ghow Samson greme er y daa phillar mean va gymmyrkey’n thie, er y derrey yeh lesh e laue yesh, as er y jeh elley lesh e laue chiare.

Briwnyn 9:23

Eisht hug Jee spyrryd dy ghrogh choardail eddyr Abimelech as deiney Shechem; as ren deiney Shechem cleiy fo Abimelech:

1 Samuel 11:6

As haink Spyrryd Yee er Saul tra cheayll eh ny naightyn shen, as va e chorree dy mooar er ny vrasnaghey.

1 Samuel 16:15

As dooyrt sharvaantyn Saul rish, Cur-my-ner nish, ta spyrryd dy olkys veih Jee dy dty voirey.

1 Samuel 16:16

Lhig da nyn jiarn nish goardaghey dty harvaantyn, dy vriaght son dooinney schleioil dy chloie er y chlaasagh: as hig eh gy-kione, tra vees y spyrryd olk shoh ort veih Jee, dy jean eh cloie lesh e laue, as yiow couyr.

1 Samuel 16:23

As haink eh gy-kione, tra haink y doghan dy aigney seaghnit veih Jee er Saul, dy ghow David claasagh, as chloie eh lesh e laue: myr shen va Saul er ny ooraghey, as hooar eh couyr, as va fea echey veih’n drogh-spyrryd.

1 Samuel 18:10

As haink eh gy-kione ny lurg shoh, dy daink spyrryd olk veih Jee er Saul, as v’eh branlaadee ayns mean e hie; as ren David cloie lesh e laue, myr bollagh eh: as va shleiy ayns laue Saul.

1 Samuel 18:12

As va Saul ayns aggle roish David, er-yn-oyr dy row’n Chiarn mârish, as dy row eh er hreigeil Saul.

1 Samuel 28:15

As dooyrt Samuel rish Saul, Cre’n-fa t’ou er choyrt anvea dou, dy my ghoostey? As dreggyr Saul, Ta mee dy mooar seaghnit; son ta ny Philistinee jannoo caggey m’oï, as ta Jee er my hreigeil, as cha vel eh gansoor mee ny sodjey, edyr liorish phadeyryn, ny liorish ashlishyn: er-y-fa shen ta mee er n’eamagh ort, dy vod oo soilshaghey dou cre nee’m.