1 Samuel 16:12 - Yn Vible Casherick 1775 1819

¹² As hug eh fys er e hon, as hug eh lesh stiagh eh. Nish v’eh ruishagh, as dy eddin aalin, as stoamey dy yeeaghyn er. As dooyrt y Chiarn, Irree, jean eh y ooilaghey, son shoh’n dooinney.

1 Samuel 16:12 ပူးပေါင်းရင်းမြစ်များ

Genesis 39:6

As daag eh ooilley ny v’echey fo laue Yoseph; as cha row kiarail erbee er son nhee erbee dy row echey, er-lhimmey jeh’n arran v’eh dy ee: as va Joseph ny phersoon stoamey, as feer aalin.

2 Samuel 23:1

Nish ad shoh goan s’jerree Ghavid. Dooyrt David mac Jesse, as y dooinney v’er ny hroggal seose dy ard, as fer-ooilit Jee Yacob, as kiaulleyder millish Israel, dooyrt eh,

2 Samuel 7:8

Nish er-y-fa shen, myr shoh jir oo rish my harvaant David, Myr shoh ta’n Chiarn dy heshaght-flaunyss gra, Ghow mish oo veih ny bwoailtchyn keyrragh, veih goaill kiarail jeh ny kirree, dy ve fer-reill harrish my phobble Israel.

1 Reeaghyn 1:34

As lhig Zadok yn saggyrt as Nathan y phadeyr ooilaghey eh ayns shen ny ree er Israel: as sheid-jee yn trumpet, gra, Dy saue Jee ree Solomon.

Psalmyn 2:2

Ta reeaghyn y thallooin troggal seose, as ta ny fir-reill goaill coyrle cooidjagh: noi’n Chiarn, as noi’n fer-ooilit echey.

Psalmyn 2:6

Agh ta mish er hoiaghey seose my Ree: er Sion my chronk casherick.

Psalmyn 78:70

As ayns shen hrog eh e hiamble dy ard: as hoie eh yn undin echey, myr y thalloo t’eh er n’yannoo son eashyn.

Exodus 2:2

As ren y ven gientyn, as hug ee mac son y theihll: as tra honnick ee dy row eh ny lhiannoo aalin, ren ee keiltyn eh three meeaghyn.

Arrane Solomon 5:10

Ta my ghraih’s gial as ruishagh, yn reih dooinney mastey jeih thousaneyn.

Dobberan 4:7

Va ny Nazariteyn eck ny s’glenney na sniaghtey, v’ad ny s’gilley na bainney, v’ad ny s’aalin ayns corp na rubieyn, v’ad ny sollys na’n sapphire.

Zechariah 4:14

Eisht dooyrt eh, T’ad shoh yn daa fer-ooilit, ta nyn shassoo fenish Chiarn y slane seihll.

Jannoo 4:27

Son ayns firrinys noi dty lhiannoo casherick Yeesey, t’ou er ny ooilaghey, va chammah Herod as Pontius Pilate marish ny Ashoonee as pobble Israel er nyn jaglym cooidjagh,

Jannoo 7:20

Ayns y traa shoh rug Moses, as v’eh lhiannoo erskyn-towse aalin, as v’eh er ny voandyrys dy follit three meeghyn ayns thie e ayrey:

Hebrewnee 11:23

Liorish credjue va Moses tra ruggyr eh, keillit three meeghyn liorish e ayr as e voir, er-yn-oyr dy vaik ad dy row eh ny lhiannoo aalin; as cha row aggle orroo roish sarey’n ree.

1 Samuel 16:18

Eisht dreggyr fer jeh ny sharvaantyn, as dooyrt eh, Cur-my-ner, ta mee er vakin fer jeh mee Jesse yn Beth-lehemite, dy vel eh cloieder schleioil, as dooinney feer dunnal, as dooinney caggee, as tushtagh ayns cooishyn, as persoon stoamey, as ta’n Chiarn mârish.

1 Samuel 17:42

As yeeagh y Philistine mygeayrt, as tra honnick eh David, hoie eh beg jeh; son cha row eh agh ny scollag, as ruishagh, as dy eddin aalin.

1 Samuel 17:55

As tra honnick Saul David goll magh noi yn Philistine, dooyrt eh rish Abner captan e heshaght-chaggee, Abner, quoi dy mac y dooinney aeg shoh? As dooyrt Abner, Myr ta dt’annym bio, O ree, cha nione dou.

1 Samuel 9:17

As tra honnick Samuel Saul, dooyrt y Chiarn rish, Cur-my-ner yn dooinney mychione echey loayr mee rhyt: shoh eh nee reill harrish my phobble.