1 Samuel 15:9 - Yn Vible Casherick 1775 1819

⁹ Agh ren Saul as y pobble sparail Agag, as y chooid share jeh ny kirree, jeh ny dew, jeh ny muirht, as ny heayin, as ooilley’n reih spooilley, ad shoh cha bailloo dy slane stroie: agh ooilley’n chooid smessey, as jeh beggan feeu shen ren ad dy bollagh y stroie.

1 Samuel 15:9 ပူးပေါင်းရင်းမြစ်များ

2 Samuel 6:13

As myr shen ve, tra v’adsyn va gymmyrkey arg y Chiarn, er n’gholl shey kesmadyn, dy heb eh dew as beiyn roauyrey ayns oural.

1 Reeaghyn 20:34

As dooyrt Ben-hadad rish, Ny ard-valjyn ghow my ayr’s veih’n ayr ayd’s livrey-yms seose hood reesht; as nee oo straidyn dhyt hene ayns Damascus, myr ren my ayr’s ayns Samaria. Eisht dooyrt Ahab, Er y chonaant shoh lhig-ym y raad dhyt. Myr shoh ren eh conaant rish, as lhig eh yn raad da.

Noo Mian 26:9

Son oddagh yn ooil shoh v’er ny ve creckit son mooarane, as er ny choyrt da ny boghtyn.

Joshua 6:18

As shiuish, er dy chooilley haase freill-jee shiu hene veih’n red custey, er-aggle dy der shiu lhieu mollaght erriu hene, tra ta shiu goaill jeh’n red custey, as cragh er camp Israel, as seaghyn lesh.

Joshua 7:21

Tra honnick mee mastey yn spooilley garmad aalin Babylonagh, as daa cheead shekel dy argid, as wedge airh jeh trimmid jeih shekelyn as da-eed, dy dug mee eisht saynt daue, as ghow mee ad; as cur-my-ner, t’ad follit ’syn ooir ayns mean my chabbane, as yn argid foue.

1 Samuel 15:10

Eisht haink goo’n Chiarn gys Samuel, gra,

1 Samuel 15:15

As dooyrt Saul, T’ad er ghoaill ad shoh veih ny Amalekiteyn: son haue yn pobble y reih jeh ny kirree, as jeh ny dew, son oural gys y Chiarn dty Yee, as y chooid elley ta shin er stroie dy bollagh.

1 Samuel 15:19

Cre’n-fa eisht, nagh dug oo biallys da coraa yn Chiarn, agh roie oo er y spooilley, as ren oo olk ayns shilley’n Chiarn?

1 Samuel 15:3

Immee nish, as bwoaill Amalek, as stroie dy bollagh ooilley ny t’oc, as ny jean ad y sparail; agh marr chammah dooinney as ben, lhiannoo as oikan, dow as keyrrey, camel as assyl.

1 Samuel 28:18

Er-yn-oyr nagh dug oo biallys da coraa yn Chiarn, chamoo ren oo cooilleeney’n jymmoose dewil echey er Amalek, er-y-fa shen ta’n Chiarn er n’yannoo yn red shoh rhyt’s, yn laa shoh.