1 Samuel 15:6 - Yn Vible Casherick 1775 1819

⁶ As dooyrt Saul rish ny Keniteyn, ersooyl-jee, cosne-jee reue, as immee-jee sheese veih mastey ny Amalekiteyn, er-aggle dy jean-yms shiu y stroie mâroo: son ren shiuish kenjallys y hoilshaghey da ooilley cloan Israel tra haink ad seose ass Egypt. Myr shoh hie ny Keniteyn rhymboo, veih mastey ny Amalekiteyn.

1 Samuel 15:6 ပူးပေါင်းရင်းမြစ်များ

Genesis 15:19

Ny Keniteyn, as ny Kenizziteyn, as ny Kadmoniteyn.

Genesis 18:25

Shen dy row foddey voïd, dy yannoo myr shoh, dy stroie yn vooinjer cairal marish ny mee-chrauee: as dy bee yn vooinjer cairal myr ny mee-chrauee, dy row shen foddey voïd: nagh jean briw yn seihll ooilley cairys y yannoo?

1 Recortyssyn 2:55

As sheelogheyn ny scrudeyryn, va cummal ec Jabez; ny Tirathiteyn, ny Shimeathiteyn, as Suchathiteyn. Shoh ny Keniteyn haink jeh Hemath ayr thie Rechab.

Exodus 18:19

Eaisht nish rish my choraa, ver-yms coyrle dhyt; as bee Jee mayrt: bee uss eddyr Jee as y pobble, dy choyrt lhiat ny cooishyn oc gys Jee.

Raaghyn Creeney 9:6

Treig-jee yn vooinjer ommijagh, as bee-jee bio: as immee-jee ayns y raad dy chreenaght.

Earrooyn 16:34

As ren ooilley Israel, va mygeayrt-y-moo, chea ec yn eam oc: son dooyrt ad, Er-aggle dy jean y thalloo shinyn y lhuggey seose myrgeddin.

Jannoo 2:40

As lesh ymmodee goan elley dymmyrk eh feanish as choyrlee eh, gra, Saue-jee shiu hene veih’n cheeloghe roonagh shoh.

2 Corinthianee 6:17

Shen-y-fa tar-jee magh veih nyn mast’ oc, as bee-jee er nyn scarrey voue, ta’n Chiarn dy ghra, as ny benn-jee rish yn red neu-ghlen; as neem’s goaill riu,

2 Timothy 1:16

Dy der y Chiarn myghin da lught-thie Onesiphorus; son ren eh dy mennick m’y ooraghey, as cha row nearey er jeh my gheuley.

Ashlish 18:14

As ta ny messyn va yeearree dty chree orroo, er n’immeeaght voïd, as dy chooilley nhee va millish as mie, er n’immeeaght voïd, as t’ou rey roo son dy bragh.

Briwnyn 1:16

As hie cloan yn Kenite, ayr-’sy-leigh Voses, seose ass ard-valley ny biljyn-palm, marish cloan Yudah, gys faasagh Yudah, ta er cheu-jiass Arad: as hie ad as chum ad mastey’n pobble.

Briwnyn 4:11

Nish va Heber yn Kenite, va jeh cloan Hobab ayr-’sy-leigh Voses, er scarrey eh-hene veih ny Keniteyn, as er scughey e chabbane gys cheer-rea Zaanaim, va liorish Kedesh.

Briwnyn 5:24

Bannit erskyn mraane vees Jael ben Heber yn Kenite, bannit vees ee erskyn mraane ayns y chabbane.

1 Samuel 15:5

As haink Saul gys ard-valley Amalek, as lhie eh fo-chlea ’sy choan.

1 Samuel 27:10

As dooyrt Achish, Quoi noi hie shin magh jiu? As dooyrt David, Noi jiass Yudah, as noi jiass ny Jerahmeeliteyn, as noi jiass ny Keniteyn.

1 Samuel 30:29

As dauesyn va ayns Rachal, as dauesyn va ayns ard-valjyn ny Jerahmeeliteyn, as dauesyn va ayns ard-valjyn ny Keniteyn,