1 Samuel 15:32 - Yn Vible Casherick 1775 1819

³² Eisht dooyrt Samuel, Cur-jee lhieu hym gys shoh Agag ree ny Amalekiteyn: as haink Agag huggey dy staydoil. As dooyrt Agag, Shickyr ta guinn y vaaish er n’gholl shagh-ym.

1 Samuel 15:32 ပူးပေါင်းရင်းမြစ်များ

Jeremiah 48:44

Eshyn chea-ys veih yn aggle, tuittee eh ’syn oaie; as eshyn scaapys yn oaie, bee eh goit ’sy ribbey: son ver-yms lhiam er, eer er Moab, bleïn yn cherraghey oc, ta’n Chiarn dy ghra.

Hosea 6:5

Shen-y-fa, ta mee er yiarey sheese ad liorish ny phadeyryn: ta mee er varroo ad liorish goan my veeal, dy vod ny briwnyssyn ayd’s ve myr yn soilshey ta brishey magh.

1 Thessalonianee 5:3

Son tra jir ad, Shee as sauchys; eisht hig toyrt-mow orroo doaltattym, myr ta pian cheet er ben tra t’ee er-troailt; as cha jean ad scapail.

Joshua 10:22

Eisht dooyrt Joshua, Foshil-jee beeal yn ooig, as cur-jee lhieu magh hym’s ny queig reeaghyn shen ass yn ooig.

Ashlish 18:7

Corrym rish y stayd mooaralagh t’ee er ghoaill urree, as er vaghey ayns rouanys, yn corrymid cheddin dy cherraghey as dy heaghyn cur-jee urree: son t’ee gra ayns e cree, Ta mee my hoie my ven-reïn, as cha nee ben-treoghe mee, as cha jig trimshey erbee my raad.

Briwnyn 8:11

As ghow Gideon e raad gys y cheer ocsyn va cummal ayns cabbaneyn, my-hiar jeh Nobah as Jogbehah, as woaill eh yn cheshaght-chaggee; va jeeaghyn orroo hene dy ve ass roshtyn dangere.

1 Samuel 15:31

Myr shen hyndaa Samuel reesht marish Saul, as hug Saul ooashley da’n Chiarn.

1 Samuel 15:33

As dooyrt Samuel, Myr ta dty chliwe er n’yannoo mraane gyn cloan, shen myr vees dty voir fegooish cloan mastey mraane. As yiare Samuel Agag ayns peeshyn kiongoyrt rish y Chiarn ayns Gilgal.