1 Samuel 15:30 - Yn Vible Casherick 1775 1819

³⁰ Eisht dooyrt eh, Ta mee er n’yannoo peccah: ny-yeih, cur onnor dou nish, ta mee guee ort, fenish shanstyr my phobble, as kiongoyrt rish Israel, as chyndaa reesht mârym, dy voddym ooashley ’choyrt da’n Chiarn dty Yee.

1 Samuel 15:30 ပူးပေါင်းရင်းမြစ်များ

2 Samuel 12:13

As dooyrt David rish Nathan, Ta mee er n’yannoo peccah noi’n Chiarn. As dooyrt Nathan rish David, Ta’n Chiarn myrgeddin er choyrt ersooyl dty pheccah; cha vow baase.

Exodus 9:27

As hug Pharaoh fys er Moses as Aaron, as dooyrt eh roo, Ta mee er n’yannoo peccah yn cheayrt shoh: ta’n Chiarn cairagh, agh ta mish as my phobble mee-chrauee.

Isaiah 29:13

Shen-y-fa dooyrt y Chiarn, Son wheesh as dy vel yn pobble shoh tayrn er-gerrey dooys lesh nyn meeal, as dy my ooashlaghey lesh nyn meillyn, agh ta’n cree oc er ny scughey foddey voym, as ta nyn aggle roym er ny ynsaghey liorish oardagh deiney:

Habakkuk 2:4

Cur-my-ner, cha vel yn annym echeysyn ta mooaralagh, ynrick ayn: agh bee yn dooinney cairal sauchey liorish e chredjue.

Noo Ean 12:43

Son v’ad ny s’aggindee er moylley gheiney, ny moylley Yee.

Noo Ean 5:44

Kys oddys shiuish credjal ta geddyn ooashley yn derrey yeh veih yn jeh elley, as nagh vel shirrey yn ooashley ta veih Jee ny-lomarcan?

2 Timothy 3:5

Goaill orroo caslys dy chraueeaght, agh jannoo noi’n phooar [vreeoil] echey: veih nyn lheid chyndaa ersooyl.

1 Samuel 15:31

Myr shen hyndaa Samuel reesht marish Saul, as hug Saul ooashley da’n Chiarn.

1 Samuel 26:21

Eisht dooyrt Saul, Ta mee er n’yannoo dy olk: chyndaa, my vac Ghavid; son cha jean-ym maghey shoh skielley dhyt, er-yn-oyr dy row my vioys deyr ayns dty hilley er y laa shoh: cur-my-ner, ta mee er n’yannoo dy ommijagh, as er ve dy mooar er-shaghryn.