1 Samuel 15:3 - Yn Vible Casherick 1775 1819

³ Immee nish, as bwoaill Amalek, as stroie dy bollagh ooilley ny t’oc, as ny jean ad y sparail; agh marr chammah dooinney as ben, lhiannoo as oikan, dow as keyrrey, camel as assyl.

1 Samuel 15:3 ပူးပေါင်းရင်းမြစ်များ

Genesis 36:12

As va Timna co-lhiabbagh Eliphaz mac Esau; as dymmyrk ee da Eliphaz, Amalek: v’ad shoh mec da Adah, ben Esau.

2 Samuel 1:8

As dooyrt eh rhym, Quoi oo-hene? As dreggyr mee, Amalekite mee.

Exodus 17:14

As dooyrt y Chiarn rish Moses, Scrieu shoh son imraa ayns lioar, as lhig da ve er ny lhaih ayns clashtyn Yoshua; son neem’s dy bollagh stroie ashoon Amalek fo niau.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Earrooyn 24:20

As tra yeeagh eh er Amalek, hie eh lesh e choraa-dorraghey, as dooyrt eh, Ta Amalek ayns toshiaght ny ashoonyn, agh bee’n jerrey echey, dy jean eh cherraghtyn son dy bragh.

Earrooyn 31:17

Nish er-y-fa shen, marr-jee dy chooilley lhiannoo-mac mastey’n chloan, as marr-jee dy chooilley ven ta er lhie marish dooinney [dy chleayney eh gys jalloonys].

Joshua 10:39

As ghow eh eh, as y ree, as ooilley ny ard-valjyn echey; as woaill eh ad lesh foyr y chliwe, as stroie eh dy bollagh ooilley ny cummaltee v’ayndoo; cha daag eh veg er-mayrn: myr v’eh er n’yannoo rish Hebron, lheid cheddin ren eh rish Debir, as e ree; myr v’eh er n’yannoo rish Libnah, as e ree.

1 Samuel 14:48

As haggil eh sheshaght-caggee, as woaill eh ny Amalekiteyn, as ren eh Israel y livrey ass ny laueyn ocsyn va roïe er spooilley ad.

1 Samuel 15:18

As hug y Chiarn oo er jurnah, as dooyrt eh, Immee, as stroie rass as cass ny peccee shen ny Amalekiteyn, as jean caggey nyn ’oï derrey vees ad dy bollagh astyrit.

1 Samuel 15:9

Agh ren Saul as y pobble sparail Agag, as y chooid share jeh ny kirree, jeh ny dew, jeh ny muirht, as ny heayin, as ooilley’n reih spooilley, ad shoh cha bailloo dy slane stroie: agh ooilley’n chooid smessey, as jeh beggan feeu shen ren ad dy bollagh y stroie.

1 Samuel 22:19

As woaill eh Nob ard-valley ny saggyrtyn lesh foyr y chliwe, chammah deiney as mraane, cloan as oikanyn, dew, as assylyn, as kirree, lesh foyr y chliwe.

1 Samuel 27:9

As woaill David y cheer, as cha daag eh dooinney ny ben bio; as ghow eh ersooyl ny kirree, as ny dew, as ny assylyn, as ny camelyn, as ny coamraghyn, as hyndaa ad reesht, as haink ad gys Achish.

1 Samuel 30:17

As woaill David ad veih brishey’n laa gys fastyr laa-ny-vairagh; as cha ren dooinney jeu scapail, agh kiare cheead dy gheiney aegey, varkee ersooyl er camelyn.