1 Samuel 15:20 - Yn Vible Casherick 1775 1819

²⁰ As dooyrt Saul rish Samuel, Ta mee dy jarroo er choyrt biallys da coraa yn Chiarn, as er n’gholl er y chaghteraght hug y Chiarn mee, as ta mee er choyrt lhiam Agag ree Amalek, as dy bollagh er stroie ny Amalekiteyn.

1 Samuel 15:20 ပူးပေါင်းရင်းမြစ်များ

Lioar Yob 33:9

Ta mee glen veih drogh-yannoo, ta mee gyn-loght; chamoo ta mee-chairys erbee aynym.

Lioar Yob 34:5

Son ta Job er ghra, Ta mee cairal: as ta Jee gobbal dy my heyrey.

Lioar Yob 35:2

Vel oo smooinaghtyn dy vel shoh cairagh, dy dooyrt oo, Ta my chairys erskyn cairys Yee?

Lioar Yob 40:8

Jean uss myrgeddin my vriwnys dy ve dyn bree? jean oo mish y gheyrey, dy vod oo-hene ve er dty heyrey?

Noo Mian 19:20

Dooyrt y dooinney aeg rish, Ooilley ny annaghyn shoh ta mee er vreayll veih my aegid: cre sodjey t’orrym dy yannoo?

Noo Luke 10:29

Agh v’eshyn booiagh eh-hene y heyrey, as dooyrt eh rish Yeesey, As quoi my naboo?

Noo Luke 18:11

Hass y Pharisee as ghow eh padjer myr shoh rish hene, Yee, ta mee cur booise dhyt, nagh vel mish myr deiney elley, tranlaasee, neu-chairagh, brishey-poosey, ny foast myr y publican shoh.

Romanee 10:3

Son mee-hushtagh jeh cairys Yee, as shirrey dy hoiaghey seose yn chairys oc hene, cha vel ad er injillaghey ad-hene gys cairys Yee.

1 Samuel 15:13

As haink Samuel gys Saul; as dooyrt Saul rish, Dy bannee’n Chiarn oo: ta mee er chooilleeney oardagh y Chiarn.

1 Samuel 15:3

Immee nish, as bwoaill Amalek, as stroie dy bollagh ooilley ny t’oc, as ny jean ad y sparail; agh marr chammah dooinney as ben, lhiannoo as oikan, dow as keyrrey, camel as assyl.

1 Samuel 15:8

As ghow eh Agag ree ny Amalekiteyn bio as stroie eh dy bollagh ooilley yn pobble lesh foyr y chliwe.

1 Samuel 28:18

Er-yn-oyr nagh dug oo biallys da coraa yn Chiarn, chamoo ren oo cooilleeney’n jymmoose dewil echey er Amalek, er-y-fa shen ta’n Chiarn er n’yannoo yn red shoh rhyt’s, yn laa shoh.