1 Samuel 15:19 - Yn Vible Casherick 1775 1819

¹⁹ Cre’n-fa eisht, nagh dug oo biallys da coraa yn Chiarn, agh roie oo er y spooilley, as ren oo olk ayns shilley’n Chiarn?

1 Samuel 15:19 ပူးပေါင်းရင်းမြစ်များ

2 Samuel 12:9

Cre’n-fa t’ou er hoiaghey beg jeh anney’n Chiarn, dy yannoo olk ayns e hilley? T’ou er varroo Uriah yn Hittite lesh y chliwe, as er ghoaill y ven echey dy ve son ben dhyt hene, as t’ou er varroo eh lesh cliwe cloan Ammon.

2 Recortyssyn 33:2

Agh ren eh shen ny va olk ayns shilley’n Chiarn, lurg peccaghyn dwoaiagh ny ashoonee, va’n Chiarn er n’eiyrt magh roish cloan Israel.

2 Recortyssyn 33:6

As hug eh er e chloan dy gholl trooid yn aile, ayns coan mac Hinnom: myrgeddin hug eh geill da traaghyn, as deiyr eh er obbeeys, as chliaghtee eh buitcheraght, as ren eh dellal rish spyrrydyn faishnee, as rish fir-obbee: dobbree eh shen ny va olk ayns shilley yn Chiarn, dy vrasnaghey eh gys corree.

2 Recortyssyn 36:12

As ren eh shen ny va olk ayns shilley’n Chiarn e Yee, as cha ren eh eh-hene y injillaghey kiongoyrt rish Jeremiah yn phadeyr, va loayrt veih beeal y Chiarn.

Raaghyn Creeney 15:27

Eshyn ta shleeuit er cosney, t’eh tayrn seaghyn er e hie hene: agh nee eshyn tannaghtyn ta dwoaiagh er giootyn.

Jeremiah 7:11

Vel y thie shoh, ta enmyssit orrym’s, er jeet dy ve ny ooig dy vaarlee ’sy chilley euish? Cur-my-ner, ta mish, eer mee hene, er n’akin eh, ta’n Chiarn dy ghra.

Earrooyn 14:41

As dooyrt Moses, Cre’n-fa ta shiu nish jannoo noi sarey’n Chiarn? agh cha jig eh lhieu.

2 Timothy 4:10

Son ta Demas er my hreigeil, er graih cosney seihltagh, as er n’gholl ersooyl gys Thessalonica; Crescens gys Galatia, Titus gys Dalmatia.

1 Samuel 14:32

Er shoh roie’n pobble er y spooilley, as ghow ad kirree, as dew, as lheiyee, as ren ad y varroo ad er y thalloo: as d’ee yn pobble jeu lesh yn uill.

1 Samuel 15:20

As dooyrt Saul rish Samuel, Ta mee dy jarroo er choyrt biallys da coraa yn Chiarn, as er n’gholl er y chaghteraght hug y Chiarn mee, as ta mee er choyrt lhiam Agag ree Amalek, as dy bollagh er stroie ny Amalekiteyn.