1 Samuel 15:17 - Yn Vible Casherick 1775 1819

¹⁷ As dooyrt Samuel, Tra v’ou imlee ayns dty hooillyn hene, nagh r’ou jeant yn ard-chaptan er tribeyn Israel, as ren y Chiarn uss y ooilaghey dy ve dty ree harrish Israel?

1 Samuel 15:17 ပူးပေါင်းရင်းမြစ်များ

Hosea 13:1

Tra ren Ephraim loayrt dy arrymagh, hooar eh ooashley da hene ayns Israel; agh tra hug eh rish peccah liorish Baal, hie eh naardey.

Noo Mian 18:4

Quoi-erbee er-y-fa shen, nee eh-hene y injillaghey myr y lhiannoo beg shoh, eh syrjey vees ayns reeriaght niau.

Briwnyn 6:15

As dooyrt eh rish, Oh my Hiarn, kys neem’s Israel y hauail? cur-my-ner, cha vel my chynney’s agh faase ayns Manasseh, as mish s’fardalee ta ayns thie m’ayrey.

1 Samuel 10:1

Eisht ghow Samuel boteil dy ooil, as gheayrt eh eh er e chione, as phaag eh eh, as dooyrt eh, Nagh vel eh er-yn-oyr dy vel y Chiarn er dty ooilaghey dy ve captan harrish e eiraght?

1 Samuel 10:22

Shen-y-fa vrie ad jeh’n Chiarn ny sodjey, darragh y dooinney kionfenish. As dreggyr y Chiarn, Cur-my-ner, t’eh er cheiltyn eh-hene mastey’n stoo.

1 Samuel 15:16

Eisht dooyrt Samuel rish Saul, Fuirree, as insh-ym dhyt, cre ta’n Chiarn er ghra rhym’s noght. As dooyrt eh rish, Gow lesh.

1 Samuel 9:21

As dreggyr Saul as dooyrt eh, Nagh nee Benjamite mee, jeh’n tribe sloo coontit ayns Israel? as nagh vel my chynney’s ny s’fardalee na ooilley kynneeyn tribe Venjamin? cre’n-fa eisht t’ou loayrt rhym’s er yn aght shoh?