1 Samuel 15:12 - Yn Vible Casherick 1775 1819

¹² As tra dirree Samuel dy moghey dy veeiteil Saul, ve inshit da Samuel, gra, Haink Saul gys Carmel, as cur-my-ner, t’eh er hroggal altar, as er n’gholl er e hoshiaght mygeayrt, as sheese gys Gilgal.

1 Samuel 15:12 ပူးပေါင်းရင်းမြစ်များ

Genesis 21:14

As dirree Abraham seose feer voghey, as ghow er arran, as boteil dy ushtey, as hug eh ad da Hagar [coyrt ad er e geaylin] as y lhiannoo, as hug eh ee ersooyl: as jimmee ee ro-ee, as hiee er-shaghryn noon as noal ayns faasagh Beer-sheba.

2 Samuel 18:18

Nish va Absalom ayns earish e vea er hroggal seose da hene pillar, t’ayns coan y ree: son dooyrt eh, Cha vel mac aym dy reayll m’ennym ayns cooinaghtyn: as denmys eh yn pillar lurg e ennym hene, as te enmyssit gys y laa t’ayn jiu, Cayrn Absalom.

2 Samuel 23:35

Hezrai yn Carmelite, Paarai yn Arbite,

1 Reeaghyn 18:42

Myr shoh hie Ahab seose dy ee as dy iu. As jimmee Elijah seose gys mullagh Carmel; as chroym eh eh-hene sheese gys y thalloo, lesh e eddin eddyr e ghlioonyn.

2 Recortyssyn 26:10

Hrog eh myrgeddin tooryn ’syn aasagh, as chleiy eh ymmodee chibbraghyn, son va mooarane maase echey, chammah ’sy cheer-injil, as ’sy cheer-rea: eirinnee neesht, as labreeyn gour ny biljyn-feeyney hoie eh ayns ny sleityn, as ayns Carmel: son va taitnys echey ayns obbyr thallooin.

Joshua 15:55

Maon, Carmel, as Ziph, as Juttah,

1 Samuel 13:12

Er-y-fa shen dooyrt mee, Tuittee ny Philistinee nish orrym ec Gilgal, as cha vel mee er n’yannoo aghin gys y Chiarn: va mee êginit er-y-fa shen, as heb mee oural-losht.

1 Samuel 13:15

As hrog Samuel er, as hie eh seose veih Gilgal gys Gibeah jeh Benjamin. As ghow Saul earroo yn pobble va mârish, mysh shey cheead dooinney.

1 Samuel 17:20

As dirree David dy moghey, as daag eh ny kirree marish bochilley, as ghow eh, as hie eh, myr va Jesse er choyrt currym er; as haink eh gys jeeig y champ, myr va’n armee goll magh dy ghoaill magher, as troggal yn yllagh-caggee.

1 Samuel 25:2

Nish va dooinney ayns Maon, as e state-hallooin ayns Carmel; as va’n dooinney feer verchagh, son va echey three thousaneyn dy chirree, as thousane goayr: as v’eh lommyrt e chirree ayns Carmel.

1 Samuel 7:12

Eisht ghow Samuel clagh, as hoie eh eh eddyr Mizpeh as Shen, as denmys eh eh Eben-ezer, gra, Choud shoh ta’n Chiarn er chooney lhien.