1 Samuel 15:11 - Yn Vible Casherick 1775 1819

¹¹ Ta mee chaghlaa my aigney noi Saul dy vel mee er hoiaghey seose eh dy ve ny ree: son t’eh er choyrt cooyl rhym, as cha vel eh er chooilleeney my harey. As va shoh trimshey mooar da Samuel; as deïe eh gys y Chiarn fud-ny-hoie.

1 Samuel 15:11 ပူးပေါင်းရင်းမြစ်များ

Genesis 6:6

As ghow yn Chiarn arrys dy row eh er chroo dooinney er y thalloo, as v’eh seaghnit ayns e chree.

Genesis 6:7

As dooyrt y Chiarn stroie-ym dooinney, ta mee er chroo veih eaghtyr y thallooin: chammah dooinney as baagh, as y cretoor snauee, as eeanlee yn aer: son ta arrys orrym dy vel mee er chroo ad.

2 Samuel 24:16

As tra va’n ainle er heeyney magh e laue er Jerusalem dy stroie eh, ghow’n Chiarn chymmey jeh nyn stayd treih, as dooyrt eh rish yn ainle va stroie’n pobble, S’lioar eh; lhig sheese nish dty laue. As va ainle y Chiarn liorish laare-vooie Araunah yn Jebusite.

1 Reeaghyn 11:9

As va’n Chiarn jymmoosagh rish Solomon, er-yn-oyr dy row e chree er ny hyndaa veih’n Chiarn Jee Israel, va daa cheayrt er hoilshaghey eh-hene da,

1 Recortyssyn 10:13

Shoh myr hooar Saul baase son e vee-viallys noi’n Chiarn, eer noi sarey’n Chiarn nagh ren eh cooilleeney; as myrgeddin son shirrey coyrle jeh ben faishnee, dy vriaght j’ee;

1 Recortyssyn 21:15

As hug Jee e ainle gys Jerusalem dy stroie eh; as myr v’eh stroie, chur y Chiarn my-ner, as ghow eh chymmey jeh’n stayd treih oc, as dooyrt eh rish yn ainle va stroie, S’lioar eh, tayrn back dty laue. As hass ainle y Chiarn liorish laare-vooie Ornan yn Jebusite.

Lioar Yob 34:27

Er-yn-oyr dy hyndaa ad cooyl rishyn, as nagh dug ad veg y gheill da e raaidyn.

Psalmyn 109:4

Myr shoh t’ad er chooilleeney dou olk son mie: as goanlys er son my aigney-mie.

Psalmyn 110:4

Ta’n Chiarn er vreearrey, as cha gow eh arrys: T’ou uss Ard-saggyrt dy bragh myr va Melchisedec.

Psalmyn 119:136

Ta my hooillyn shilley lesh jeïr: er-yn-oyr nagh vel deiney freayll dty leigh.

Psalmyn 125:5

Er son nyn lheid as ta chyndaa reesht gys yn olkys oc hene: leeidee yn Chiarn ad magh marish ny drogh-yantee; agh bee shee er Israel.

Psalmyn 36:3

Ta goan e veeal neu-ynrick as lane dy oalsaght: t’eh er vaagail jeh dy ymmyrkey eh-hene dy creeney, as jeh jannoo dy mie.

Psalmyn 78:41

Shimmey keayrt ren ad eh y vrasnaghey ’syn aasagh: as eh y heaghney ’sy chaitnys ghennish.

Psalmyn 78:57

Myr shen vrasnee ad as hug ad jymmoose er y Jee smoo ard: as cha dreill ad ny recortyssyn echey;

Exodus 32:11

As ghow Moses padjer jeean gys y Chiarn e Yee, as dooyrt eh, Hiarn, cre’n-fa ta dty yymmoose brishey magh cha trome noi dty phobble, hug oo lhiat magh ass cheer Egypt, lesh ard phooar, as lesh laue niartal?

Exodus 32:14

As va’n Chiarn er ny veiyghey veih’n olk, v’eh kiarit dy yannoo rish e phobble.

Jeremiah 11:10

T’ad er hyndaa reesht gys drogh-yannoo nyn shenn-ayryn, ren gobbal dy eaishtagh rish my ghoan’s; as hie ad geiyrt er jeeghyn elley dy hirveish ad: ta thie Israel as thie Yudah er vrishey my chonaant, ren mee rish nyn ayraghyn.

Jeremiah 13:17

Agh mannagh n’eaisht shiu rish, nee m’annym’s dobberan ayns ynnydyn follit son y voyrn eu, as nee my hooill’s keayney dy sharroo, as roie sheese lesh jeïr, er-yn-oyr dy vel shioltane y Chiarn goit ersooyl ayns cappeeys.

Jeremiah 34:16

Ny-yeih hyndaa shiu, as hug shiu mee-ooashley da my ennym, as hug dy chooilley ghooinney er e harvaant, as dagh dooinney er e ven failt, v’ad er choyrt reamys daue, dy ve ec nyn laue hene dy heet back, as hug shiu ad reesht fo bondiaght, dy ve nyn vir-vooinjer as inneenyn-veyl.

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Jeremiah 9:18

As lhig daue siyr y yannoo, as yllagh y hroggal seose er nyn son, dy vod nyn sooillyn shilley sheese lesh jeïr, as ferroogh nyn sooillyn roie harrish lesh ushtey.

Ezekiel 18:24

Agh tra ta’n dooinney cairal chyndaa ersooyl veih e chairys, as cur-rish mee-chairys, as jannoo lurg ooilley ny peccaghyn eajee ta’n drogh ghooinney cur-roo, bee y lheid echeysyn bio? ooilley’n chairys t’eh er n’yannoo, cha bee eh enmyssit da: ayns e loghtyn t’eh er n’yannoo, as ayns e pheccah t’eh er ny ve cur-rish, ayndoosyn yiow eh baase.

Amos 7:3

Er shoh va’n Chiarn myghinagh; Cha bee eh myr shen, dooyrt y Chiarn.

Jonah 3:10

As honnick Jee nyn obbraghyn, dy hyndaa ad veih nyn ghrogh raad, as ren Jee meiyghey mychione yn olk, v’eh er chiarail dy choyrt orroo, as cha dug eh orroo eh.

Jonah 4:2

As ghow eh padjer gys y Chiarn, as dooyrt eh, Guee-ym ort, O Hiarn, nagh nee shoh va my raa, choud as va mee foast ayns my heer hene? shen-y-fa chossyn mee roym [dy gholl] gys Tarshish: son va fys aym dy vel oo Jee graysoil as myghinagh, moal gys corree, as jeh kenjallys vooar, as meiygh-chreeagh ayns kerraghey.

Zephaniah 1:6

As adsyn ta er chur cooyl rish y Chiarn, as adsyn nagh ren shirrey huggey, ny briaght er e hon.

Noo Mian 24:13

Agh bee eshyn, nee tannaghtyn firrinagh gys y jerrey, er ny hauail.

Noo Mian 5:44

Agh ta mish gra riu, Bee-jee dooie da nyn noidyn, bannee-jee adsyn ta gwee mollaght diu, jean-jee mie dauesyn ta cur dwoaie diu, as gow-jee padjer er nyn son ocsyn ta dy goanlyssagh jannoo tranlaase erriu:

Noo Luke 6:12

As haink eh gy-kione ayns ny laghyn shen, dy jagh eh seose er slieau dy ghoaill padjer, as dy ren eh tannaghtyn fud-ny-hoie ayns padjer gys Jee.

Hebrewnee 10:38

Son bee’n dooinney cairagh er ny hauail liorish credjue: agh my ver dooinney erbee cooyl gys y chredjue, cha gow m’annym veg y taitnys ayn.

Joshua 22:16

Myr shoh ta slane pobble y Chiarn gra, Cre’n drogh obbyr shoh ta shiu er n’yannoo noi’n Jee dy Israel, dy hyndaa ersooyl veih shirveish y Chiarn ec y traa shoh, ayns dy vel shiu er hroggal altar diu hene, myr shoh nish girree magh noi’n Chiarn?

1 Samuel 12:23

Agh er my hon’s, ny lhig eh Jee dy jinnin peccah noi’n Chiarn liorish scuirr dy ghoaill padjer er nyn son: agh nee’m gynsaghey diu yn raad mie as cairagh.

1 Samuel 13:13

As dooyrt Samuel rish Saul, T’ou er n’yannoo dy ommijagh: cha vel oo er reayll yn sarey doardee’n Chiarn dty Yee dhyt; son nish veagh yn Chiarn er hickyraghey dty reeriaght ayns Israel son earishyn foddey beayn.

1 Samuel 15:10

Eisht haink goo’n Chiarn gys Samuel, gra,

1 Samuel 15:3

Immee nish, as bwoaill Amalek, as stroie dy bollagh ooilley ny t’oc, as ny jean ad y sparail; agh marr chammah dooinney as ben, lhiannoo as oikan, dow as keyrrey, camel as assyl.

1 Samuel 15:35

As cha daink Samuel arragh dy yeeaghyn Saul gys laa e vaaish: ny-yeih ren Samuel dobberan son Saul: as va’n Chiarn neu-wooiagh dy row Saul ny ree harrish Israel.

1 Samuel 15:9

Agh ren Saul as y pobble sparail Agag, as y chooid share jeh ny kirree, jeh ny dew, jeh ny muirht, as ny heayin, as ooilley’n reih spooilley, ad shoh cha bailloo dy slane stroie: agh ooilley’n chooid smessey, as jeh beggan feeu shen ren ad dy bollagh y stroie.

1 Samuel 16:1

As dooyrt y Chiarn rish Samuel, Caïd nee oo dobberan son Saul, fakin dy vel mish er yiooldey rish veih reill harrish Israel? Lhieen dty eairk lesh ooil, as immee; ver-yms oo gys Jesse yn Beth-lehemite: son ta mee er chiarail dou hene ree mastey e vec.

1 Samuel 8:6

Agh va shoh dy mooar noi aigney Samuel, tra dooyrt ad, Cur dooin ree dy reill harrin. As ghow Samuel padjer gys y Chiarn.