1 Samuel 14:6 - Yn Vible Casherick 1775 1819

⁶ As dooyrt Jonathan rish y dooinney aeg e armyder, Tar, as lhig dooin goll harrish gys garrison ny chymmyltee shoh: foddee eh ve dy jean y Chiarn gobbraghey er nyn son: son te’n un chooid da’n Chiarn dy hauail liorish mooarane ny liorish beggan.

1 Samuel 14:6 ပူးပေါင်းရင်းမြစ်များ

2 Samuel 1:20

Ny insh-jee shoh ayns Gath, ny lhig da ve focklit magh ayns straidyn Askelon; er-aggle dy gow inneenyn ny Philistinee boggey, as dy jean inneenyn ny chymmyltee boggyssagh.

2 Samuel 16:12

Foddee dy jean y Chiarn jeeaghyn er my hrimshey, as dy der y Chiarn cooilleeney mie dou son y ghweeaghyn echeysyn er y laa shoh.

2 Reeaghyn 19:4

Foddee eh ve, dy jean y Chiarn dty Yee clashtyn ooilley goan Rab-shakeh, ta ree Assyria e vainshtyr er choyrt dy oltooaney yn Jee bio; as dy der eh oghsan da ny goan ta’n Chiarn yn Jee ayd’s er chlashtyn: Shen-y-fa trog seose dty phadjer son y fooilliaght t’er-mayrn.

2 Recortyssyn 14:10

Eisht hie Asa magh n’oï, as hayrn ad magh ayns order-caggee ayns coan Zephathah ec Mareshah.

2 Recortyssyn 14:11

As deïe Asa gys y Chiarn e Yee, as dooyrt eh, Hiarn, te yn un chooid dhyt’s dy hauail, edyr y ve lesh mooarane, ny lesh beggan: cooin lhien, O Hiarn nyn Yee; son ort’s ta nyn marrant, as ayns dt’ennym ta shin goll noi’n earroo mooar shoh: O Hiarn, she uss nyn Yee, ny lhig da dooinney goaill niart ort.

Psalmyn 135:6

Cre-erbee s’gooidsave lesh y Chiarn, shen ren eh ayns niau, as er y thalloo: ayns yn aarkey, as ayns ooilley ny diunidyn mooarey.

Jeremiah 9:23

Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Jeremiah 9:25

Cur-my-ner, ta ny laghyn cheet, ta’n Chiarn dy ghra, dy jean-yms kerraghey ’ghoaill er ooilley ny gyn-chymmyltee marish ny chymmyltee;

Jeremiah 9:26

Er Egypt, as Judah, as Edom, as cloan Ammon, as Moab, as ooilley ny t’ayns ny corneilyn sodjey magh, ta cummal ’syn aasagh: son ta ooilley ny ashoonyn shoh nyn jymmyltee, as ta ooilley thie Israel nyn jymmyltee ayns cree.

Amos 5:15

Bee-jee dwoaiagh er yn olk, as aggindagh er y vie, as jean-jee briwnys y niartaghey ayns y yiat: foddee dy bee yn Chiarn Jee ny flaunyssee, graysoil da fooilliagh Yoseph.

Zephaniah 2:3

Shir-jee yn Chiarn, ooilley shiuish ta imlee er y thalloo, ta er chooilleeney e vriwnys, shir-jee lurg ynrickys, shir-jee lurg meenid-cree: hoiggal, dy bee shiu er nyn goadey ayns laa jymmoose y Chiarn.

Zechariah 4:6

As dreggyr eh, as loayr eh rhym, gra, Shoh goo yn Chiarn gys Zerubbabel, gra, Cha nee liorish niart ny pooar, agh liorish my spyrryd, ta Chiarn ny flaunyssee dy ghra.

Earrooyn 10:32

As bee eh myr shen, my she dt’aigney dy gholl mârin, dy jarroo shen myr vees eh, yn chenjallys nee’n Chiarn y hoilshaghey dooinyn, y lheid cheddin nee mayd er dty hon’s.

Earrooyn 31:4

Thousane jeh dagh tribe, trooid ooilley tribeyn Israel, ver shiu gys y chaggey.

Noo Mian 19:26

Agh yeeagh Yeesey orroo, as dooyrt eh roo, Gys deiney ta shoh neu-phossible, agh da Jee ta dy chooilley nhee possible.

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

Deuteronomy 32:30

Nagh jinnagh eisht un dooinney gimman ersooyl thousane, as daa ghooinney jeih thousaneyn, agh dy row nyn Greg er chreck ad, as y Chiarn er n’yeigh ad seose?

Philippianee 3:3

Son ta shinyn yn giarey-chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Joshua 14:12

Nish er-y-fa shen, cur dou yn cheer sleitagh shoh, my-e-chione loayr y Chiarn ’sy laa cheddin; (son cheayll oo ayns y laa shen dy row cloan Anak ayns shen, as dy row ny ard-valjyn mooar as fencit:) my she shen dy bee’n Chiarn lhiam, bee’m eisht abyl dy eiyrt magh ad, myr yiall y Chiarn.

Briwnyn 15:18

As v’eh feer phaagh, as deïe eh er y Chiarn, as dooyrt eh, T’ou er choyrt yn varriaght vooar shoh ayns laue dty harvaant; as nish voym baase lesh paays, as tuittym ayns laueyn ny chymmyltee shoh?

1 Samuel 14:5

Va oaie yn derrey yeh lesh y twoaie jeeragh er Michmash, as yn jeh elley lesh y jiass jeeragh er Gibeah.

1 Samuel 14:7

As dooyrt yn armyder rish, Jean ooilley ny t’ayns dty chree; chyndaa raad sailt; cur-my-ner, ta mish mayrt cordail rish dty aigney.

1 Samuel 17:26

As loayr David rish ny deiney hass liorish, gra, Cre vees jeant son y dooinney varrys yn Philistine shoh, as scughys yn scammylt shoh veih Israel? son quoi’n Philistine chymmyltagh shoh, dy goghe eh er dy choyrt y-lane fo armeeyn y Jee bio.

1 Samuel 17:36

Varr dty harvaant chammah yn lion, as y vuc-awin; as bee’n Philistine chymmyltagh shoh myr unnane jeusyn, fakin dy vel eh er choyrt y-lane fo armeeyn y Jee bio.

1 Samuel 17:46

Yn laa jiu nee’n Chiarn uss y livrey gys my laue; as neem’s oo y woalley, as goym dty chione jeed; as ver-ym kirp armee ny Philistinee yn laa jiu da eeanlee’n aer, as da beishtyn feïe y vagheragh; dy vod fys v’ec ooilley’n seihll dy vel Jee ayns Israel.

1 Samuel 17:47

As bee fys ec y slane sheshaght shoh nagh vel y Chiarn sauail lesh cliwe as shleiy: son ta’n caggey lesh y Chiarn, as nee eh shiuish y livrey gys ny laueyn ainyn.

1 Samuel 31:4

Eisht dooyrt Saul rish e armyder, Tayrn dty chliwe, as roie mee trooid lesh; er-aggle dy jig ny chymmyltee shoh dy roie mee trooid, as boggyssagh harrym. Agh cha jinnagh e armyder laue er, son va rouyr aggle er: shen-y-fa ghow Saul cliwe, as huitt eh er.