1 Samuel 14:52 - Yn Vible Casherick 1775 1819

⁵² As va caggey dewil noi ny Philistinee ooilley laghyn Saul: as raad chronnee Saul dooinney trean erbee, ny dooinney dunnal, ghow eh ad son sidooryn fo hene.

1 Samuel 14:52 ပူးပေါင်းရင်းမြစ်များ

1 Samuel 13:5

As haggil ny Philistinee ad-hene cooidjagh dy chaggey rish Israel, three thousane fainagh, as shey thousane markiaght, as ny coshee myr yn gheinnagh er oirr ny marrey ayns earroo: as haink ad seose, as ren ad campal ayns Michmash, shiar veih Beth-aven.

1 Samuel 14:47

Myr shen ghow Saul yn reiltys harrish Israel, as ren eh caggey noi ooilley e noidyn er dy chooilley heu, noi Moab, as noi cloan Ammon, as noi Edom, as noi reeaghyn Zobah, as noi ny Philistinee: as cre-erbee yn raad hyndaa eh, hooar eh yn varriaght.

1 Samuel 8:1

As haink eh gy-kione tra va Samuel shenn, dy ren eh e vec briwnyn er Israel.

1 Samuel 8:11

As dooyrt eh, Shoh myr vees yn aght nee’n ree reill harrishdiu; nee eh goaill ny mec eu, as pointeil ad da hene, son e ainee, as dy ve ny markee echey, as paart jeu dy ve nyn goshee roish ny fainee.