1 Samuel 14:44 - Yn Vible Casherick 1775 1819

⁴⁴ As dreggyr Saul, Shoh as ny smoo dy der Jee orrym; mannagh bee oo er dty choyrt gy-baase, Yonathan.

1 Samuel 14:44 ပူးပေါင်းရင်းမြစ်များ

Genesis 38:24

As haink eh gy-kione, mysh three meeaghyn lurg shen, dy row eh inshit da Judah, gra, Ta Tamar dty ven-chleuin er n’yannoo maarderys, as myrgeddin, cur-my-ner, t’ee torragh, liorish maarderys: As dooyrt Judah, Cur-jee lhieu magh ee, as lhig jee ve losht.

2 Samuel 12:31

As hug eh lesh magh ny cummaltee v’ayn, as hug eh ad fo obbyr chreoi, lesh saaueyn, as lesh cleïn yiarn, as lesh teighyn yiarn, as dy gholl trooid obbyr yn aiee-vreek: as myr shoh ghell eh rish ooilley ard-valjyn cloan Ammon. Er shoh hyndaa David as ooilley’n pobble reesht gys Jerusalem.

2 Samuel 12:5

As va corree Ghavid dy mooar er ny vrasnaghey noi’n dooinney, as dooyrt eh rish Nathan, Myr ta’n Chiarn bio, yn dooinney t’er n’yannoo yn aggair shoh bee eh son shickyrys er ny choyrt gy-baase.

2 Samuel 19:13

As abbyr-jee rish Amasa, Nagh vel uss jeh my chraue, as jeh my eill? Dy jean Jee myr shen rhym’s, as ny smoo neesht, mannagh bee uss ard-chaptan y cheshaght-chaggee aym’s choud’s bio oo, ayns ynnyd Yoab.

2 Samuel 3:9

Dy jean Jee myr shen rish Abner as ny smoo neesht, mannagh jean-yms son David, myr ta’n Chiarn er vreearrey da;

Raaghyn Creeney 25:16

Vel oo er gheddyn mill? ee wheesh as ta mie dhyt; er-aggle, my ee-ys oo rouyr jeh, dy dilg oo eh.

Briwnyn 11:35

As haink eh gy-kione tra honnick eh ee, dy raip eh e eaddagh, as dooyrt eh, Aless, my inneen! t’ou er my injillaghey dy treih, as er hayrn seaghyn trome orrym: son ta mee er vosley my veeal ayns breearrey gys y Chiarn, as cha voddym goll n’oï.

Ruth 1:17

Raad yioys [oo] baase, yioyms baase, as shen y raad bee’m oanluckit: shoh as ny smoo dy der y Chiarn orrym, my nee veg agh y baase scarrey uss as mish.

1 Samuel 14:39

Son myr ta’n Chiarn bio, ta sauail Israel, ga dy beagh eh ayns Jonathan my vac, bee eh dy shickyr er ny choyrt gy-baase. Agh cha row dooinney mastey ooilley’n pobble hug ansoor da.

1 Samuel 25:22

Myr shen as na smessey neesht dy jean Jee rish noidyn Ghavid, my aag-yms dooinney bio mygeayrt dty hie derrey soilshey’n voghrey.)

1 Samuel 3:17

As dooyrt eh, Cre shen ta’n Chiarn er ghra rhyt? ta mee guee ort, ny keill eh voym’s: dy jean Jee myr shen rhyt, as ny smoo neesht, my nee oo fockle hene y cheiltyn voym jeh ooilley ny dooyrt eh rhyt.