1 Samuel 14:40 - Yn Vible Casherick 1775 1819

⁴⁰ Eisht dooyrt eh rish ooilley Israel, Bee-jee shiuish er y derrey heu, as beem’s as Jonathan my vac er y cheu elley. As dooyrt y pobble rish Saul, Jean myr s’mie lhiat hene.

1 Samuel 14:40 ပူးပေါင်းရင်းမြစ်များ

2 Samuel 15:15

As dooyrt sharvaantyn y ree rish, Cur-my-ner ta dty harvaantyn aarloo dy yannoo cre-erbee nee my hiarn y ree pointeil.

1 Samuel 1:23

As dooyrt Elkanah e sheshey r’ee, Jean dt’aigney; fuirree derrey vees oo er harbaa eh; as dy jean y Chiarn yn goo echey hene ’chooilleeney. Myr shen duirree’n ven, as hug ee keeagh da e mac, derrey v’eh charbaït.

1 Samuel 14:36

As dooyrt Saul, Lhig dooin goll sheese er-eiyrt’s ny Philistinee ’syn oie, as ad y spooilley derrey’n vadran; as ny lhig dooin dooinney jeu y aagail bio. As dooyrt ad, Jean myr s’mie lhiat. Eisht dooyrt y saggyrt, Lhig dooin ayns shoh tayrn er-gerrey gys Jee.

1 Samuel 14:39

Son myr ta’n Chiarn bio, ta sauail Israel, ga dy beagh eh ayns Jonathan my vac, bee eh dy shickyr er ny choyrt gy-baase. Agh cha row dooinney mastey ooilley’n pobble hug ansoor da.

1 Samuel 14:41

Eisht dooyrt Saul rish y Chiarn Jee Israel, Cur dooin cowrey cronnal. As haink y cowrey magh er Saul as Jonathan: agh va’n pobble er nyn seyrey.

1 Samuel 14:7

As dooyrt yn armyder rish, Jean ooilley ny t’ayns dty chree; chyndaa raad sailt; cur-my-ner, ta mish mayrt cordail rish dty aigney.