1 Samuel 14:25 - Yn Vible Casherick 1775 1819

²⁵ As haink ooilley’n pobble gys keyll, raad va mill er y thalloo.

1 Samuel 14:25 ပူးပေါင်းရင်းမြစ်များ

Exodus 3:8

As ta mee er jeet neose, dy livrey ad ass laue ny Egyptianee, as dy chur lhiam ad seose veih’n cheer shen, gys cheer mie, as mooar, gys cheer ayn ta palchey bainney as mill: gys ynnyd ny Canaaniteyn, as ny Hittiteyn, as ny Amoriteyn, as ny Perizziteyn, as ny Hiviteyn, as ny Jebusiteyn.

Raaghyn Creeney 25:16

Vel oo er gheddyn mill? ee wheesh as ta mie dhyt; er-aggle, my ee-ys oo rouyr jeh, dy dilg oo eh.

Earrooyn 13:27

As hoilshee ad da, as dooyrt ad, Haink shin gys y cheer raad hug oo shin, as son shickyrys te palchey lesh bainney as mill; as shoh’n mess echey.

Deuteronomy 9:28

Er-aggle dy jir y cheer, voish hug oo lhiat ad magh, Son nagh dod y Chiarn ad y chur lesh gys y cheer yiall eh daue, as son dy row dwoaie echey orroo, t’eh er choyrt lesh ad magh, dy stroie ad ’syn aasagh.

Briwnyn 14:9

As ghow eh jeh ayns e laueyn, as hie eh er y raad gee, as haink eh gys e ayr as e voir, as hug eh dauesyn, as ren ad gee: agh cha dinsh eh daue dy row eh er ghoaill y vill ass convayrt y lion.

1 Samuel 14:24

As va deiney Israel fo seaghyn yn laa shen: son dy row Saul er choyrt y pobble fo sarey chion, gra, Cursit dy row’n dooinney ghoys monney erbee dy veaghey derrey’n astyr, dy voddym cooilleeney ’ghoaill er my noidyn: myr shen cha ren veg jeh’n pobble goaill greme dy veaghey.

1 Samuel 14:26

As tra va’n pobble er jeet stiagh ’sy cheyll, cur-my-ner, ren y vill shilley; agh cha dug dooinney erbee e laue gys e veeal: son va’n pobble fo aggle yn mollaght.