1 Samuel 14:24 - Yn Vible Casherick 1775 1819

²⁴ As va deiney Israel fo seaghyn yn laa shen: son dy row Saul er choyrt y pobble fo sarey chion, gra, Cursit dy row’n dooinney ghoys monney erbee dy veaghey derrey’n astyr, dy voddym cooilleeney ’ghoaill er my noidyn: myr shen cha ren veg jeh’n pobble goaill greme dy veaghey.

1 Samuel 14:24 ပူးပေါင်းရင်းမြစ်များ

Psalmyn 18:47

Ta’n Chiarn bio, as bannit dy row m’er-coonee niartal: as moylley dy row gys Jee my haualtys;

Raaghyn Creeney 11:9

Ta kialgeyr lesh e veeal cur coayl da e naboo; agh liorish tushtey yiow yn fer-firrinagh livrey-ys.

Leviticus 27:29

Cre-erbee vees [myr shoh] er ny chasherickey gys y Chiarn, cha bee eh er ny eaysley: agh bee eh dy shickyr er ny choyrt gy-baase.

Leviticus 5:4

Ny my ta persoon breearrey, fockley magh ass e veillyn dy yannoo olk, ny dy yannoo mie; cre-erbee shen nee dooinney fockley magh lesh breearrey, as my t’eh er yarrood eh, tra yiow eh fys er, eisht bee eh foiljagh ayns unnane jeu shoh.

Earrooyn 21:2

As ren Israel breearrey gys y Chiarn, as dooyrt ad, My nee uss dy jarroo livrey yn pobble shoh gys my laue, eisht stroie-ym dy bollagh ny ard-valjyn oc.

Earrooyn 5:21

Eisht nee’n saggyrt currym y chur er y ven lesh breearrey dy vollaght, as nee’n saggyrt gra rish y ven, Dy jean y Chiarn uss y yannoo mollaghtagh, as dwoaiagh er coontey loo oaiagh mastey dty phobble, tra ver eh er dty lheeasid dy loau, as dty volg dy att;

Romanee 10:2

Son ta mee gymmyrkey feanish daue, dy vel graih jeean oc er Jee, agh cha nee cordail rish tushtey (firrinagh).

1 Corinthianee 16:22

My ta dooinney erbee nagh vel graih echey er y Chiarn Yeesey Creest, lhig da ve Anathema Maranatha.

Joshua 6:26

As hug Joshua ad fo loo ec y traa shen, gra, Cursit dy row yn dooinney fenish y Chiarn nee goaill er dy hroggal yn ard-valley shoh Jericho: nee eh soiaghey yn undin echey ayns baase e vac shinney, as ayns baase e vac saa nee eh soiaghey seose e yiattyn.

Briwnyn 1:28

As haink eh gy-kione, tra va Israel er ghoaill troshid, dy dug ad ny Canaaniteyn fo keesh, as cha deiyr ad magh ad dy bollagh.

Briwnyn 5:2

Cur-jee moylley da’n Chiarn son goaill cooilleeney da Israel, tra ren y pobble dy arryltagh chebbal ad hene.

1 Samuel 14:25

As haink ooilley’n pobble gys keyll, raad va mill er y thalloo.

1 Samuel 14:39

Son myr ta’n Chiarn bio, ta sauail Israel, ga dy beagh eh ayns Jonathan my vac, bee eh dy shickyr er ny choyrt gy-baase. Agh cha row dooinney mastey ooilley’n pobble hug ansoor da.

1 Samuel 18:25

As dooyrt Saul, Myr shoh jir shiu rish David, Cha vel y ree shirrey toghyr erbee, agh keead chymmylt jeh ny Philistinee, dy ghoaill cooilleeney er noidyn y ree. Agh smooinee Saul dy chur er David tuittym liorish laue ny Philistinee.