1 Samuel 14:20 - Yn Vible Casherick 1775 1819

²⁰ As ren Saul as ooilley’n pobble va mârish ad-hene y haglym cooidjagh, as haink ad gys y chaggey: as cur-my-ner, va cliwe dagh dooinney noi e heshey, as va cragh dewil ny-vud oc.

1 Samuel 14:20 ပူးပေါင်းရင်းမြစ်များ

1 Reeaghyn 20:21

As hie ree Israel magh, as woaill eh ny cabbil as ny fainee, as stroie eh ny Syrianee lesh cragh trome.

2 Recortyssyn 20:23

Agh hyndaa cloan Ammon as Moab reesht noi cummaltee cronk Seir, dy stroie ad dy bollagh: as tra v’ad er yiarey jeh cloan Seir, stroie ad-hene yn derrey yeh yn jeh elley.

Isaiah 19:2

As soie-yms ny Egyptianee noi ny Egyptianee: as nee ad caggey dagh unnane noi e vraar, as dagh unnane noi e naboo; ard-valley noi ard-valley, as reeriaght noi reeriaght.

Ezekiel 38:21

As nee’m geamagh son y chliwe n’oï, trooid ooilley ny sleityn aym’s, ta’n Chiarn Jee dy ghra: bee cliwe dagh dooinney noi e vraar.

Briwnyn 7:22

As heid ny three cheead ny trumpetyn, as hyndaa yn Chiarn cliwe dy chooilley ghooinney noi e heshey, trooid ooilley yn sheshaght-caggee: as roie ad er-chea gys Beth-shittah ayns Zererath, as gys ardjyn Abel-meholah, gys Tabbath.

1 Samuel 14:16

As yeeagh arreyderyn Saul ayns Gibeah jeh Benjamin, as cur-my-ner, va’n cheshaght lheïe ersooyl, as hie ad er nyn doshiaght bwoalley sheese yn derrey yeh yn jeh elley.

1 Samuel 9:16

Mairagh, mysh y traa shoh, ver-yms hood dooinney ass cheer Venjamin; as nee oo eshyn y ooilaghey dy ve captan er my phobble Israel, dy vod eh sauail my phobble ass laue ny Philistinee: son ta mee er yeeaghyn er my phobble, er-yn-oyr dy vel yn accan oc er jeet kiongoyrt rhym.