1 Samuel 14:19 - Yn Vible Casherick 1775 1819

¹⁹ As haink eh gy-kione choud’s va Saul loayrt rish y taggyrt, dy ren y tharmane va ayns sheshaght-caggee ny Philistinee troggal as goaill niart ny syrjey as ny syrjey: as dooyrt Saul rish y taggyrt, Cum dty laue.

1 Samuel 14:19 ပူးပေါင်းရင်းမြစ်များ

Psalmyn 106:13

Agh ayns gerrit dy hraa yarrood ad ny obbraghyn echey: as cha jinnagh ad ad-hene y injillaghey gys e choyrle.

Isaiah 28:16

Shen-y-fa shoh myr ta’n Chiarn Jee dy ghra, Cur-my-ner, ta mee soiaghey ayns Zion son undin, clagh, clagh phrowit, clagh-chorneilagh costal, undin shickyr: ersyn ta credjal cha bee oyr nearey.

Earrooyn 27:21

As nee eh shassoo fenish Eleazar y saggyrt, nee shirrey coyrle er e hon, liorish briwnys yn Urim, kiongoyrt rish y Chiarn: ec y fockle echeysyn hed ad magh, as ec y fockle echey hig ad stiagh, chammah eh hene, as ooilley cloan Israel mârish, eer yn slane sheshaght.

Joshua 9:14

As ghow ny ard-gheiney jeh’n bee oc, as cha ghow ad coyrle ec beeal y Chiarn.

1 Samuel 13:11

As dooyrt Samuel, Cre shoh t’ou er n’yannoo? As dreggyr Saul, Er-yn-oyr dy vaik mee dy row’n pobble skeayley voym, as nagh daink oo cheu-sthie jeh’n traa pointit, as dy row ny Philistinee er nyn jaglym cooidjagh gys Michmash;

1 Samuel 14:20

As ren Saul as ooilley’n pobble va mârish ad-hene y haglym cooidjagh, as haink ad gys y chaggey: as cur-my-ner, va cliwe dagh dooinney noi e heshey, as va cragh dewil ny-vud oc.

1 Samuel 14:24

As va deiney Israel fo seaghyn yn laa shen: son dy row Saul er choyrt y pobble fo sarey chion, gra, Cursit dy row’n dooinney ghoys monney erbee dy veaghey derrey’n astyr, dy voddym cooilleeney ’ghoaill er my noidyn: myr shen cha ren veg jeh’n pobble goaill greme dy veaghey.

1 Samuel 30:7

As dooyrt David rish Abiathar y saggyrt, mac Ahimelech, Ta mee guee ort, cur lhiat hym yn ephod. As haink Abiathar lesh yn ephod er gys David.