1 Samuel 14:16 - Yn Vible Casherick 1775 1819

¹⁶ As yeeagh arreyderyn Saul ayns Gibeah jeh Benjamin, as cur-my-ner, va’n cheshaght lheïe ersooyl, as hie ad er nyn doshiaght bwoalley sheese yn derrey yeh yn jeh elley.

1 Samuel 14:16 ပူးပေါင်းရင်းမြစ်များ

Psalmyn 58:7

Lhig daue lheïe ersooyl myr crammag, as ve goll-rish mess ben ta er jeet roish y traa: as ny lhig daue fakin y ghrian.

Psalmyn 68:2

’Naght myr ta’n jaagh goll ass nyn shilley, myr shen nee oo gimman ad ersooyl: as myr ta kere lheïe rish yn aile, myr shen lhig da’n vee-chrauee cherraghtyn ec kionfenish Yee.

Isaiah 19:2

As soie-yms ny Egyptianee noi ny Egyptianee: as nee ad caggey dagh unnane noi e vraar, as dagh unnane noi e naboo; ard-valley noi ard-valley, as reeriaght noi reeriaght.

Briwnyn 7:22

As heid ny three cheead ny trumpetyn, as hyndaa yn Chiarn cliwe dy chooilley ghooinney noi e heshey, trooid ooilley yn sheshaght-caggee: as roie ad er-chea gys Beth-shittah ayns Zererath, as gys ardjyn Abel-meholah, gys Tabbath.

1 Samuel 14:15

As va’n cheshaght-chaggee as ooilley’n pobble er-creau fud y vagheragh: va’n garrison as ny roosteyryn er-creau myrgeddin; as va craa-hallooin ayn: myr shen dy row craa feer atchimagh ny-vud oc.

1 Samuel 14:17

Eisht dooyrt Saul rish y pobble va mârish, Gow-jee earroo’n sleih, dy yeeaghyn quoi t’er n’gholl voïn. As tra v’ad er ghoaill y coontey, cur-my-ner, cha row Jonathan as e armyder ayns shen.

1 Samuel 14:20

As ren Saul as ooilley’n pobble va mârish ad-hene y haglym cooidjagh, as haink ad gys y chaggey: as cur-my-ner, va cliwe dagh dooinney noi e heshey, as va cragh dewil ny-vud oc.