1 Samuel 14:14 - Yn Vible Casherick 1775 1819

¹⁴ As y chied slaughter shen ren Jonathan as e armyder, ve mysh feed dooinney, ayns mygeayrt lieh acre hallooin, oddagh cubbyl dy ghew y hraaue.

1 Samuel 14:14 ပူးပေါင်းရင်းမြစ်များ

2 Samuel 17:9

Cur-my-ner, t’eh nish keillit ayns ooig ny ayns boayl follit elley: as hig eh gy-kione, tra huittys paart jeh ny deiney ayd’s ayns toshiaght y chaggey, dy jir adsyn chlinnys jeh, Ta cragh mastey’n pobble, ta geiyrt er Absalom.

Briwnyn 15:15

As hooar eh craue-keeill noa dy assyl, as ghow eh ny laue eh, as varr eh thousane dooinney lesh.

Briwnyn 9:54

Eisht deïe eh dy siyragh gys y dooinney aeg e armyder, as dooyrt eh rish, Tayrn dty chliwe, as marr mee, nagh jir ad, She ben ren y varroo eh. As roie yn dooinney aeg eh trooid, as shoh myr hooar eh baase.

1 Samuel 14:13

As ren Jonathan drappal seose er e laueyn as er e chassyn, as e armyder ny yeï: as v’ad er nyn yiarey sheese roish Jonathan; as varr yn armyder geiyrt er.

1 Samuel 14:15

As va’n cheshaght-chaggee as ooilley’n pobble er-creau fud y vagheragh: va’n garrison as ny roosteyryn er-creau myrgeddin; as va craa-hallooin ayn: myr shen dy row craa feer atchimagh ny-vud oc.