1 Samuel 14:12 - Yn Vible Casherick 1775 1819

¹² As dreggyr deiney’n gharrison Jonathan as e armyder, as dooyrt ad, Tar-jee seose hooin, as jeeagh mayd red ennagh diu. As dooyrt Jonathan rish e armyder, Tar seose my yeï; son ta’n Chiarn er livrey ad gys laue Israel.

1 Samuel 14:12 ပူးပေါင်းရင်းမြစ်များ

Genesis 24:42

As haink mee jiu gys y chibbyr, as dooyrt mee, O Hiarn, Jee my vainshtyr Abraham, my t’ou nish bannaghey ny ta mee dy ghoaill ayns laue:

Genesis 24:48

As chroym mee sheese my chione, as hug mee ooashley da’n Chiarn, as vannee mee Chiarn Jee my vainshtyr Abraham, v’er m’y leeideil er y raad cair, dy ghoaill inneen braarey my vainshtyr son ben da e vac.

2 Samuel 5:24

As tra chlinnys oo feiyr mastey ny biljyn-mulberry myr sheean sleih er march, dy jean oo eisht gleashagh oo-hene dy gastey: son eisht ta’n Chiarn goll magh royd, dy woalley sheshaght ny Philistinee.

2 Reeaghyn 14:8

Eisht hug Amaziah chaghteryn gys Jehoash, mac Jehoahaz, mac Jehu ree Israel, gra, Tar, lhig dooin jeeaghyn y cheilley ’syn eddin.

Briwnyn 4:14

As dooyrt Deborah rish Barak, Seose oo; son er y laa shoh nee’n Chiarn livrey Sisera gys dty laue: nagh vel y Chiarn er n’gholl magh royd? Myr shen hie Barak sheese veih slieau Tabor, as jeih thousane dooinney geiyrt er.

Briwnyn 7:14

As dansoor e heshey as dooyrt eh, Cha vel shoh monney agh cliwe Ghideon mac Yoash, dooinney dy Israel: son gys y laue echeysyn ta Jee er livrey Midian, as y slane sheshaght-caggee.

Briwnyn 7:15

As shen myr ve, tra cheayll Gideon yn dreamal inshit, as kys ve er ny hoiggal, dy dug eh ooashley, as hyndaa eh gys sheshaght-caggee Israel, as dooyrt eh, Trog-jee, son ta’n Chiarn er livrey gys nyn laue sheshaght-caggee Vidian.

Briwnyn 9:54

Eisht deïe eh dy siyragh gys y dooinney aeg e armyder, as dooyrt eh rish, Tayrn dty chliwe, as marr mee, nagh jir ad, She ben ren y varroo eh. As roie yn dooinney aeg eh trooid, as shoh myr hooar eh baase.

1 Samuel 14:10

Agh my jir ad myr shoh, Tar-jee seose hooin; eisht hed mayd seose: son ta’n Chiarn er livrey ad gys nyn laue; as bee shoh son cowrey dooin.

1 Samuel 14:13

As ren Jonathan drappal seose er e laueyn as er e chassyn, as e armyder ny yeï: as v’ad er nyn yiarey sheese roish Jonathan; as varr yn armyder geiyrt er.