1 Samuel 14:11 - Yn Vible Casherick 1775 1819

¹¹ As ren ad ny-neesht ad-hene y hoilshaghey da gard ny Philistinee: as dooyrt ny Philistinee, Cur-my-ner, ta ny Hebrewnee cheet magh ass ny tuill raad dollee ad ad-hene.

1 Samuel 14:11 ပူးပေါင်းရင်းမြစ်များ

2 Samuel 22:46

Nee joarreeyn lheïe ersooyl, as bee ad agglagh ayns ny ynnydyn follit oc.

Briwnyn 6:2

As va laue Vidian er ny niartaghey noi Israel: as er-aggle roish ny Midianiteyn ren cloan Israel daue hene ooigyn ayns ny sleityn, as guaggyn follit, as cashtallyn lajer.

1 Samuel 13:6

Tra honnick deiney Israel dy row ad ayns chennid, (son v’ad er choayl nyn gree,) eisht dollee yn pobble ad-hene ayns ooigyn, as ayns keylljyn, as ayns creggyn, as ayns sleityn, as ayns guaggyn.

1 Samuel 14:22

Myrgeddin ooilley deiney Israel, va er cheiltyn ad-hene ayns slieau Ephraim, tra cheayll ad dy row ny Philistinee er roie er-chea, deiyr adsyn myrgeddin chion orroo ’sy chaggey.

1 Samuel 29:3

Eisht dooyrt princeyn ny Philistinee, Cre t’ec ny Hebrewnee shoh dy yannoo ny mast’ ain? As dooyrt Achish rish princeyn ny Philistinee, Nagh nee shoh David sharvaant Saul ree Israel, ta er ve mârym ny laghyn shoh, eer bleeantyn, as cha vel mee er gheddyn foill erbee ayn, neayr’s haink eh dy ve foym gys y laa shoh?