1 Samuel 13:9 - Yn Vible Casherick 1775 1819

⁹ As dooyrt Saul, Cur-jee lhieu hym gys shoh oural-losht as ourallyn-shee. As heb eh yn oural-losht.

1 Samuel 13:9 ပူးပေါင်းရင်းမြစ်များ

2 Samuel 24:25

As hrog David ayns shen altar gys y Chiarn, as heb eh ourallyn-losht, as ourallyn-shee. Er shoh va’n Chiarn chymmoil da’n cheer, as va’n plague er ny chastey veih Israel.

1 Reeaghyn 3:4

As hie yn ree gys Gibeon dy hebbal oural ayns shen; son shen va’n ard-ynnyd mooar: thousane dy ourallyn-losht heb Solomon er yn altar shen.

Psalmyn 37:7

Cum shickyr gys y Chiarn, as farkee dy surransagh ersyn: as ny lhig da sneih ve ort kyndagh rishyn ta’n seihll cheet lesh, noi’n dooinney ta jannoo lurg drogh choyrleyn.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Raaghyn Creeney 20:22

Ny abbyr uss, Cooilleen-yms olk son olk: agh fark er y Chiarn, as nee eh dty livrey.

Raaghyn Creeney 21:27

Ta oural ny mee-chrauee dwoaiagh: cre-woad smoo, tra t’eh dy hebbal eh lesh cree crauee-oalsey?

Raaghyn Creeney 21:3

Dy yannoo cairys as briwnys kiart, te ny s’taitnyssagh da’n Chiarn na ourallyn costal.

Isaiah 66:3

Ta eshyn ta marroo dow myr dy marragh eh dooinney; eshyn ta ouralley eayn, myr eshyn ta chebbal kione moddey; eshyn ta chebbal oural, goll-rishyn hebbagh fuill muickey; eshyn ta lostey incense, myr eshyn ta ooashlaghey jalloo: dy jarroo, t’ad er reih ny raaidyn oc hene, as ta’n annym oc goaill taitnys ayns nyn obbraghyn dwoaiagh.

Deuteronomy 12:5

Agh gys yn ynnyd, nee’n Chiarn nyn Yee y reih ass ooilley ny tribeyn eu, dy chur e ennym ayn, eer ayns e ynnyd-vaghee hene nee shiu shirrey, as gys shen nee shiu cheet:

Deuteronomy 12:6

As gys shen ver shiu lhieu ny ourallyn-losht, as ny chebballyn, as ny jagheenyn eu, as ourallyn-troggit-seose nyn laue, as ny breearraghyn, as ny ourallyn-arryltagh eu, as y chied ingan jeh ny shellooyn, as ny shioltaneyn eu.

1 Samuel 14:18

As dooyrt Saul rish Ahiah, Cur lhiat gys shoh arg Yee: (son va arg Yee ec y traa shen marish cloan Israel.)