1 Samuel 13:6 - Yn Vible Casherick 1775 1819

⁶ Tra honnick deiney Israel dy row ad ayns chennid, (son v’ad er choayl nyn gree,) eisht dollee yn pobble ad-hene ayns ooigyn, as ayns keylljyn, as ayns creggyn, as ayns sleityn, as ayns guaggyn.

1 Samuel 13:6 ပူးပေါင်းရင်းမြစ်များ

2 Samuel 24:14

As dooyrt David rish Gad, Ta mee ayns chennid vooar: lhig dooin nish tuittym fo laue’n Chiarn, (son ta e vyghinyn mooar,) as ny lhig dou tuittym ayns laue dooinney.

Isaiah 42:22

Agh ta’n pobble shoh er ny roostey as spooillit; t’ad ooilley goit ayns tuill, as t’ad dooint stiagh ayns pryssoonyn: son spooilley t’ad, as cha vel fer coyrt livrey-ys; son cragh, as cha vel fer erbee gra, Jean-jee lhiasaghey.

Jeremiah 41:9

Nish yn ooig, ayn hilg Ishmael ooilley kirp marroo ny deiney, v’eh er varroo marish Gedaliah, va’n ooig cheddin ren Asa yn ree ayns aggle roish Baasha ree Israel: as ren Ishmael mac Nethaniah shen y lhieeney lesh ny merriu.

Ezekiel 33:27

Abbyr uss myr shoh roosyn, Shoh myr ta’n Chiarn Jee dy ghra, Myr ta mish bio, nee adsyn t’ayns ny fadaneyssyn son shickyrys tuittym liorish y chliwe, as eshyn ta ’sy vagher foshlit ver-yms da ny beishtyn, dy ve stroit: as adsyn t’ayns ny cashtallyn, as ny guaggyn yiow ad baase jeh’n phlaih.

Philippianee 1:23

Son ta mee ayns chennid eddyr jees, aggindagh dy gholl roym, as dy ve marish Creest; ta foddey share:

Hebrewnee 11:38

(Jeu shoh cha row yn seihll feeu) v’ad er-chea ayns faasaghyn, as ayns sleityn, as ayns ooigyn as guaggyn ny hooirey.

Joshua 8:20

As tra yeeagh deiney Ai nyn yeï, honnick ad, as cur-my-ner, hie jaagh yn ard-valley seose ’syn aer, as hie nyn dappey voue dy chosney roue, yn derrey raad ny’n raad elley: as ren ny deiney va er roie myr-yien er-chea gys yn aasagh chyndaa back dy choyrt eddin da nyn eiyrtyssee.

Briwnyn 10:9

As hie cloan Ammon harrish Jordan dy chaggey myrgeddin noi Judah, as noi Benjamin, as noi thie Ephraim; myr shen dy row Israel dy mooar seaghnit.

Briwnyn 20:41

As tra hyndaa deiney Israel dy chur eddin daue, va deiney Venjamin atchimagh; son honnick ad dy row’n olk er jeet orroo.

Briwnyn 6:2

As va laue Vidian er ny niartaghey noi Israel: as er-aggle roish ny Midianiteyn ren cloan Israel daue hene ooigyn ayns ny sleityn, as guaggyn follit, as cashtallyn lajer.

1 Samuel 13:15

As hrog Samuel er, as hie eh seose veih Gilgal gys Gibeah jeh Benjamin. As ghow Saul earroo yn pobble va mârish, mysh shey cheead dooinney.

1 Samuel 14:11

As ren ad ny-neesht ad-hene y hoilshaghey da gard ny Philistinee: as dooyrt ny Philistinee, Cur-my-ner, ta ny Hebrewnee cheet magh ass ny tuill raad dollee ad ad-hene.

1 Samuel 14:22

Myrgeddin ooilley deiney Israel, va er cheiltyn ad-hene ayns slieau Ephraim, tra cheayll ad dy row ny Philistinee er roie er-chea, deiyr adsyn myrgeddin chion orroo ’sy chaggey.

1 Samuel 23:19

Eisht haink ny Ziphiteyn seose gys Saul gys Gibeah, gra, Nagh vel David follaghey eh-hene mârin ayns ynnydyn lajer dy hauchys ’sy cheyll, ayns slieau Hachilah, my-yiass lesh Jeshimon?

1 Samuel 24:3

As myr v’eh goll, haink eh gys bwoailtchyn ny geyrragh, raad va ooig; as hie Saul stiagh dy ghoaill snap dy chadley: as va David as e gheiney cheu-sthie ec kione sodjey stiagh yn ooig.

1 Samuel 31:7

As tra honnick deiney Israel va er cheu elley jeh’n choan, as adsyn va er cheu elley jeh Jordan, dy row deiney Israel er roie er y hon, as dy row Saul as e vec marroo, hreig ad ny ard-valjyn, as roie ad er-chea; as haink ny Philistinee, as ren ad cummal ayndoo.

1 Samuel 7:7

As tra cheayll ny Philistinee dy row cloan Israel er nyn jaglym cooidjagh gys Mizpeh, hie chiarnyn ny Philistinee seose noi Israel: as tra cheayll cloan Israel shoh, v’ad ayns aggle roish ny Philistinee.