1 Samuel 13:5 - Yn Vible Casherick 1775 1819

⁵ As haggil ny Philistinee ad-hene cooidjagh dy chaggey rish Israel, three thousane fainagh, as shey thousane markiaght, as ny coshee myr yn gheinnagh er oirr ny marrey ayns earroo: as haink ad seose, as ren ad campal ayns Michmash, shiar veih Beth-aven.

1 Samuel 13:5 ပူးပေါင်းရင်းမြစ်များ

Genesis 22:17

Lesh bannaghtyn neem’s uss y vannaghey, as lesh bishagh neem’s bishaghey dty luight myr rollageyn yn aer, as myr y gheinnagh t’er oirr ny marrey; as yiow dty luight’s possession ayns giat e noidyn.

2 Samuel 17:11

Shen-y-fa my choyrle’s eh, dy bee ooilley Israel er nyn jaglym hood’s, veih Dan eer gys Beer-sheba, myr y gheinnagh ta rish oirr ny marrey ayns earroo, as dy jed oo-hene gys y chaggey ec y chione oc.

1 Reeaghyn 20:27

As va cloan Israel musterit, as ooilley arryltagh son y chaggey hie ad magh nyn ’oï: as ren cloan Israel campal kiongoyrt roo, goll-rish daa hioltane veggey dy vannanyn; agh lhieen ny Syrianee yn cheer.

2 Recortyssyn 1:9

Nish, O Hiarn Yee, lhig da dty yialdinys da David m’ayr ve er ny chooilleeney: son t’ou er n’yannoo mish my ree harrish pobble, myr joan ny hooirey ayns earroo.

Isaiah 10:28

T’eh er jeet gys Aiath, t’eh er n’gholl harrish gys Migron; ec Michmash t’eh er vaagail e charriads:

Isaiah 48:19

Veagh dty chloan myrgeddin er ny ve myr y gheinnagh, as sluight dty chorp myr genniagh-gharroo ny marrey; cha beagh e ennym er ny ve giarit jeh ny er ny stroie veih kiongoyrt rhym.

Jeremiah 15:8

Ta ny mraane-treoghe oc ayns earroo erskyn genniagh ny marrey: ta mee er lhiggey magh orroo, noi moir ny deiney aegey, roosteyryn ec y vun-laa; ver-ym orroo dy huittym urree doaltattym, as atchim agglagh er yn ard-valley.

Hosea 10:5

Gowee cummaltee Samaria aggle, kyndagh rish jallooyn baagh Veth-aven: son nee yn pobble echey dobberan harrish, as ny saggyrtyn ghow boggey jeh’n ghloyr echey, son dy vel eh er n’immeeaght veih.

Hosea 4:15

Ga dy vel uss Israel er n’yannoo streebeeys, ny-yeih, ny lhig da Judah ve kyndagh, as ny tar-jee gys Gilgal, chamoo gow-jee seose gys Beth-aven, ny loo-jee, Ta’n Chiarn bio.

Hosea 5:8

Sheid-jee yn cornet ayns Gibeah, as y trumpet ayns Ramah: yllee-jee dy ard ec Beth-aven: dty yeï’s, O Venjamin.

Romanee 9:27

Ta Esaias myrgeddin fockley magh mychione Israel, Ga dy vel earroo cloan Israel myr geinnagh ny marrey, bee fooilliagh er ny hauail.

Joshua 11:4

As hie ad magh, ad-hene as ooilley ny deiney caggee oc mâroo, ymmodee sleih, dy jarroo myr genniagh y traie ayns earroo, lesh cabbil as fainee ymmodee seihlt.

Joshua 18:12

As va’n chagliagh oc er y twoaie veih Jordan, as hie eh seose rish lhiattee Yericho er cheu-twoaie, as seose trooid ny sleityn lesh y sheear; as va’n kione echey ec faasagh Veth-aven.

Joshua 7:2

As ren Joshua deiney y choyrt, veih Jericho gys Ai, ta liorish Beth-aven, er cheu-har jeh Beth-el, as loayr eh roo, gra, Immee-jee seose, as gow-jee baght jeh’n cheer. As hie ny deiney seose as ghow ad baght jeh Ai.

Briwnyn 7:12

As va ny Midianiteyn, as ny Amalekiteyn, as ooilley cloan y shiar, lhie skeaylt ’sy choan myr locustyn son earroo; as va ny camelyn oc erskyn coontey, myr yn gheinnagh rish oirr ny marrey.

1 Samuel 13:11

As dooyrt Samuel, Cre shoh t’ou er n’yannoo? As dreggyr Saul, Er-yn-oyr dy vaik mee dy row’n pobble skeayley voym, as nagh daink oo cheu-sthie jeh’n traa pointit, as dy row ny Philistinee er nyn jaglym cooidjagh gys Michmash;

1 Samuel 13:2

Ren Saul reih three thousaneyn dy gheiney Israel: jeu shoh va daa housane marish Saul ayns Michmash, as ayns cronk Beth-el, as va thousane marish Jonathan ayns Gibeah jeh Benjamin: as son y chooid elley jeh’n pobble hug eh thie dy chooilley ghooinney gys e chummal hene.

1 Samuel 14:23

Myr shoh ren y Chiarn Israel y hauail yn laa cheddin: as hie ad er nyn doshiaght caggey choud’s Beth-aven.

1 Samuel 14:52

As va caggey dewil noi ny Philistinee ooilley laghyn Saul: as raad chronnee Saul dooinney trean erbee, ny dooinney dunnal, ghow eh ad son sidooryn fo hene.

1 Samuel 17:1

Nish haggil ny Philistinee cooidjagh nyn armeeyn gys caggey, as v’ad er nyn jaglym cooidjagh ec Shochoh, ta bentyn da Judah, as ren ad campal eddyr Shochoh as Azekah, ayns Ephes-dammim.

1 Samuel 7:13

Myr shoh hooar ad barriaght er ny Philistinee, nagh daink ad arragh gys ardjyn Israel: as va laue’n Chiarn noi ny Philistinee ooilley laghyn Samuel.