1 Samuel 13:4 - Yn Vible Casherick 1775 1819

⁴ As cheayll ooilley Israel dy row Saul er woalley garrison ny Philistinee, as dy row ny Philistinee myrgeddin soit er goaill cooilleeney er Israel. As va’n pobble sumnit dy cheilley lurg Saul gys Gilgal.

1 Samuel 13:4 ပူးပေါင်းရင်းမြစ်များ

Genesis 34:30

As dooyrt Jacob rish Simeon as Levi; Ta shiu er hayrn seaghyn orrym, as er m’y yannoo dwoaiagh mastey cummaltee ny cheerey, mastey ny Canaaniteyn, as ny Perizziteyn: as myr nagh vel shin agh beggan sleih ayns earroo, nee ad chaglym ad-hene cooidjagh m’oï, as m’y ghunverys, as beem’s er my stroie, mish as my hie.

Genesis 46:34

Dy jir shiuish, Ta aght beaghee dty harvaantyn er ve mysh ollagh veih nyn aegid, eer derrey nish, chammah shinyn, as myrgeddin nyn ayraghyn: dy vod shiu beaghey ayns cheer Ghoshen; son ta dy chooilley vochill dwoaiagh ayns shilley ny Egyptianee.

2 Samuel 10:6

As tra dennee cloan Ammon dy row ad dy mooar er vrasnaghey David, hug ad fys as daill ad Syrianee Veth-rehob, as Syrianee Zoba, feed thousane deiney coshee, as veih ree Maacah thousane dooinney, as veih Ish-tob daa housane jeig.

Exodus 5:21

As dooyrt ad roo, Dy jeeagh y Chiarn erriu, as dy jean eh briwnys; son dy vel shiu er chur orrin dy ve feohdoil ayns sooillyn Pharaoh, as ayns sooillyn e harvaantyn, as er choyrt chliwe ayns ny laueyn oc dy stroie shin.

Zechariah 11:8

Yiare mee jeh three bochillyn myrgeddin ’syn un vee, as v’adsyn dwoaie my annym’s, as va mish myrgeddin dwoaie yn annym ocsyn.

Joshua 5:9

As dooyrt y Chiarn rish Joshua, Jiu ta mee er scughey ersooyl oltooan Egypt veueish. Shen-y-fa ta’n ynnyd enmyssit Gilgal gys y laa t’ayn jiu.

1 Samuel 10:8

As hed oo sheese roym’s gys Gilgal; as cur-my-ner, hig-yms sheese hood, dy hebbal ourallyn-losht, as ourallyn-shee: shiaght laa nee oo farkiagh, derrey hig-ym, dy chur royd cre nee oo y yannoo.

1 Samuel 27:12

As chred Achish David, as smooinee eh rish hene, T’eh er chur er e phobble Israel dy choyrt slane dwoaie da; shen-y-fa bee eh my harvaant choud as vees eh bio.