1 Samuel 13:14 - Yn Vible Casherick 1775 1819

¹⁴ Agh nish cha bee dty reill agh giare: ta’n Chiarn er reih da dooinney lurg e chree hene, as ta’n Chiarn er phointeil eh ny chaptan harrish e phobble, er-yn-oyr nagh vel oo er vreaylley shen ny ren y Chiarn dty harey.

1 Samuel 13:14 ပူးပေါင်းရင်းမြစ်များ

2 Samuel 5:2

Myrgeddin roish nish, tra va Saul ny ree harrin, uss va ard-leeideilagh Israel: as dooyrt y Chiarn rhyt’s, Bee uss bochilley er my phobble Israel, as bee uss dty ard-chaptan harrish Israel.

2 Samuel 6:21

As dooyrt David rish Michal, Ve fenish y Chiarn, ren mish y reih roish dt’ayr, as roish ooilley e hie, dy phointeil mish my er-reill harrish pobble y Chiarn, harrish Israel: shen-y-fa neem’s cloie kiongoyrt rish y Chiarn.

2 Reeaghyn 20:5

Chyndaa reesht, as insh da Hezekiah, captan my phobble, Myr shoh ta’n Chiarn Jee Ghavid dty ayr gra, Ta mee er chlashtyn dty phadjer, ta mee er vakin dty yeïr: Cur-my-ner, neem’s uss y lheihys; as er y trass laa hed oo seose gys thie yn Chiarn.

1 Recortyssyn 10:13

Shoh myr hooar Saul baase son e vee-viallys noi’n Chiarn, eer noi sarey’n Chiarn nagh ren eh cooilleeney; as myrgeddin son shirrey coyrle jeh ben faishnee, dy vriaght j’ee;

Psalmyn 78:70

As ayns shen hrog eh e hiamble dy ard: as hoie eh yn undin echey, myr y thalloo t’eh er n’yannoo son eashyn.

Raaghyn Creeney 27:24

Son cha vel berchys son dy bragh: as vel yn attey reeoil goll veih sheeloghe gys sheeloghe?

Isaiah 39:5

Eisht dooyrt Isaiah rish Hezekiah, Clasht rish goo Chiarn ny flaunyssee;

Jannoo 13:22

As tra v’eh er scughey eshyn, hoie eh David seose dy ve nyn ree; gymmyrkey feanish lesh myrgeddin as gra, Ta mee er gheddyn magh David mac Jesse, dooinney lurg my chree hene, nee cooilleeney ooilley my aigney.

Jannoo 7:46

Eh hooar foayr ayns shilley Yee, as va aggindagh dy hroggal thie son Jee Yacob.

Hebrewnee 2:10

Son ve cooie dasyn, er e hon ta dy chooilley nhee, as liorish ta dy chooilley nhee, ayns cur lesh ymmodee mec gys gloyr, dy chasherickey captan nyn saualtys trooid surranse.

1 Samuel 15:23

Son ta mee-viallys myr y peccah dy obbeeys, as roonid myr yn ard-pheccah dy yalloonys. Er-yn-oyr dy vel uss er choyrt cooyl rish goo’n Chiarn, t’eshyn myrgeddin er choyrt cooyl rhyt’s, nagh bee dty reeriaght beayn.

1 Samuel 15:26

As dooyrt Samuel rish Saul, Cha jyndaa-ym mayrt: son t’ou er hoiaghey beg jeh goo’n Chiarn, as ta’n Chiarn er hilgey uss jeh veih ve ny ree harrish Israel.

1 Samuel 15:28

As dooyrt Samuel rish, Ta’n Chiarn er raipey reeriaght Israel voïd’s yn laa shoh, as er choyrt eh da dty naboo, ta ny share na uss.

1 Samuel 16:1

As dooyrt y Chiarn rish Samuel, Caïd nee oo dobberan son Saul, fakin dy vel mish er yiooldey rish veih reill harrish Israel? Lhieen dty eairk lesh ooil, as immee; ver-yms oo gys Jesse yn Beth-lehemite: son ta mee er chiarail dou hene ree mastey e vec.

1 Samuel 16:12

As hug eh fys er e hon, as hug eh lesh stiagh eh. Nish v’eh ruishagh, as dy eddin aalin, as stoamey dy yeeaghyn er. As dooyrt y Chiarn, Irree, jean eh y ooilaghey, son shoh’n dooinney.

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.

1 Samuel 24:20

As nish cur-my-ner, ta fys aym dy mie, dy bee uss dy jarroo yn ree, as dy bee reeriaght Israel er ny niartaghey ayns dty laue.

1 Samuel 25:30

As hig eh gy-kione, erreish da’n Chiarn v’er chooilleeney ooilley’n vieys t’eh er n’yialdyn da my hiarn, as er choyrt dhyt’s y reill harrish Israel,

1 Samuel 9:16

Mairagh, mysh y traa shoh, ver-yms hood dooinney ass cheer Venjamin; as nee oo eshyn y ooilaghey dy ve captan er my phobble Israel, dy vod eh sauail my phobble ass laue ny Philistinee: son ta mee er yeeaghyn er my phobble, er-yn-oyr dy vel yn accan oc er jeet kiongoyrt rhym.