1 Samuel 13:11 - Yn Vible Casherick 1775 1819

¹¹ As dooyrt Samuel, Cre shoh t’ou er n’yannoo? As dreggyr Saul, Er-yn-oyr dy vaik mee dy row’n pobble skeayley voym, as nagh daink oo cheu-sthie jeh’n traa pointit, as dy row ny Philistinee er nyn jaglym cooidjagh gys Michmash;

1 Samuel 13:11 ပူးပေါင်းရင်းမြစ်များ

Genesis 3:13

As dooyrt y Chiarn Jee rish y ven, Cre shoh t’ou er n’yannoo? As dreggyr y ven, Ren yn ard-nieu m’y volley, as ren mee gee.

Genesis 4:10

As dooyrt eh, Cre t’ou er n’yannoo? ta coraa fuill dty vraarey geamagh hym’s veih’n ooir.

2 Samuel 3:24

Eisht haink Joab gys y ree, as dooyrt eh, Cre shoh t’ou er n’yannoo? cur-my-ner, haink Abner hood; cre’n-fa lhig oo yn raad da, as dy vel eh er chosney roish.

2 Reeaghyn 5:25

As hie eh-hene stiagh, as hass eh fenish e vainshtyr. As dooyrt Elisha rish, Cre veih t’ou er jeet, Gehazi? As dooyrt eh, Cha jagh dty harvaant raad erbee.

Isaiah 10:28

T’eh er jeet gys Aiath, t’eh er n’gholl harrish gys Migron; ec Michmash t’eh er vaagail e charriads:

Joshua 7:19

As dooyrt Joshua rish Achan, My vac, cur, ta mee guee ort, gloyr da’n Chiarn Jee Israel, as gow-rish dty loght huggeysyn; as insh dooys nish cre t’ou er n’yannoo, ny keill voym eh.

1 Samuel 13:12

Er-y-fa shen dooyrt mee, Tuittee ny Philistinee nish orrym ec Gilgal, as cha vel mee er n’yannoo aghin gys y Chiarn: va mee êginit er-y-fa shen, as heb mee oural-losht.

1 Samuel 13:16

As duirree Saul as Jonathan e vac, as y cheshaght va mâroo, ayns Gibeah jeh Benjamin: agh ren ny Philistinee campal ayns Michmash.

1 Samuel 13:2

Ren Saul reih three thousaneyn dy gheiney Israel: jeu shoh va daa housane marish Saul ayns Michmash, as ayns cronk Beth-el, as va thousane marish Jonathan ayns Gibeah jeh Benjamin: as son y chooid elley jeh’n pobble hug eh thie dy chooilley ghooinney gys e chummal hene.

1 Samuel 13:23

As hie garrison ny Philistinee magh trooid raad sleitagh Michmash.

1 Samuel 13:5

As haggil ny Philistinee ad-hene cooidjagh dy chaggey rish Israel, three thousane fainagh, as shey thousane markiaght, as ny coshee myr yn gheinnagh er oirr ny marrey ayns earroo: as haink ad seose, as ren ad campal ayns Michmash, shiar veih Beth-aven.

1 Samuel 14:5

Va oaie yn derrey yeh lesh y twoaie jeeragh er Michmash, as yn jeh elley lesh y jiass jeeragh er Gibeah.