1 Samuel 12:9 - Yn Vible Casherick 1775 1819

⁹ As tra yarrood ad yn Chiarn y Jee oc, ren eh ad y livrey gys laue Sisera, captan sheshaght-caggee Hazor, as gys laue ny Philistinee, as gys laue ree Voab, as ren ad caggey nyn ’oï.

1 Samuel 12:9 ပူးပေါင်းရင်းမြစ်များ

2 Samuel 7:11

As er-dyn traa hug mish sarey da briwnyn ve harrish my phobble Israel, as ta mee er choyrt fea dhyt’s veih ooilley dty noidyn.) Myrgeddin ta’n Chiarn ginsh dhyt, dy jean eh dty hie y hickyraghey.

Psalmyn 106:21

As yarrood ad Jee yn Saualtagh oc: v’er n’yannoo lheid ny reddyn mooarey ayns Egypt;

Isaiah 63:10

Agh dirree ad magh n’oï, as vrasnee ad yn Spyrryd casherick echey: shen-y-fa v’eh er ny hyndaa dy ve nyn noid, as hass eh nyn ’oï.

Jeremiah 2:32

Vod moidyn jarrood e coamraghyn aalin? ny ben y phoosee e stoamid? ny-yeih ta my phobble er yarrood mish laghyn erskyn-earroo.

Deuteronomy 32:18

Er y Chiarn ren dty gheddyn, cha vel oo er chooinaghtyn, as y Jee ren dty chroo t’ou er yarrood.

Deuteronomy 32:30

Nagh jinnagh eisht un dooinney gimman ersooyl thousane, as daa ghooinney jeih thousaneyn, agh dy row nyn Greg er chreck ad, as y Chiarn er n’yeigh ad seose?

Briwnyn 10:7

As ren jymmoose yn Chiarn brishey magh noi Israel, as chreck eh ad gys laue ny Philistinee, as gys laue cloan Ammon.

Briwnyn 13:1

As ren cloan Israel reesht shen ny va olk ayns shilley’n Chiarn; as ren y Chiarn ad y livrey gys laue ny Philistinee da-eed bleïn.

Briwnyn 2:14

As va jymmoose yn Chiarn er ny vrasnaghey noi Israel, as ren eh ad y livrey gys laueyn ny spooilleyderyn ren ad y roostey, as chreck eh ad gys laueyn nyn noidyn ooilley mygeayrt, myr shen nagh voddagh ad veg sodjey shassoo roish nyn noidyn.

Briwnyn 3:12

As ren cloan Israel olk reesht ayns shilley’n Chiarn: as ren y Chiarn Eglon ree Voab y niartaghey noi Israel, er-yn-oyr dy row ad er n’yannoo olk ayns shilley’n Chiarn.

Briwnyn 3:31

As ny lurg-syn hrog Shamgar, mac Anath, varr jeh ny Philistinee shey cheead dooinney lesh lorg immanagh: as ren eshyn myrgeddin livrey Israel.

Briwnyn 4:2

As ren y Chiarn ad y chreck gys laue Yabin ree Chanaan, va reill ayns Hazor; captan e heshaght-chaggee va Sisera, va e chummal ayns Harosheth jeh ny ashoonyn.

1 Samuel 12:15

Agh mannagh der shiu biallys da coraa’n Chiarn, agh girree-magh noi sarey’n Chiarn, eisht bee laue y Chiarn nyn ’oï, myr ve noi nyn ayraghyn.