1 Samuel 12:5 - Yn Vible Casherick 1775 1819

⁵ As dooyrt eh roo, Ta’n Chiarn feanish nyn ’oï, as e ree ooilit feanish yn laa jiu, nagh vel shiu er gheddyn monney dy vee-chairys ayns my laue. As dreggyr ad, T’eh ny eanish.

1 Samuel 12:5 ပူးပေါင်းရင်းမြစ်များ

Genesis 31:50

My ver uss drogh ghellal da my inneenyn, ny my nee uss mraane elley y ghoaill, marish my inneenyn, cha vel dooinney erbee eddyr shin; jeeagh royd, ta Jee feanish eddyr mish as uss.

Lioar Yob 16:19

As nish, cur-my-ner, ta m’eanish ayns niau, as my recortys ’syn yrjid.

Lioar Yob 42:7

As shen myr ve, erreish da’n Chiarn v’er loayrt ny goan shoh rish Job, dy dooyrt y Chiarn rish Eliphaz yn Temanite, Ta my chorree er ny vrasnaghey dt’oï, as noi dty ghaa charrey: son cha vel shiu er loayrt [my-]mychione’s shen ny ta cairagh, myr ta my harvaant Job.

Psalmyn 17:3

T’ou er phrowal as er ronsaghey my chree ayns imbagh ny hoie; t’ou er my hirrey magh as cha vow veg yn olkys aynym: son ta mee dy slane kiarit nagh jean-ym foill lesh my hengey.

Exodus 22:4

My ta’n ghriu dy jarroo er ny gheddyn bio ’sy laue, my she dow, assyl, ny keyrrey t’ayn; eeckee eh dooble er y hon.

Noo Ean 18:38

Dooyrt Pilate rish, Cre ta’n irriney shen? as tra v’eh er ghra shoh, hie eh magh reesht gys ny Hewnyn, as dooyrt eh roo, Cha vel mish er gheddyn foill erbee ayn.

Jannoo 23:9

As va argane mooar er ny ghoostey: as dirree ny scrudeyryn va er paart ny Phariseeyn, as streeu ad, gra, Cha vel shinyn geddyn foill erbee ayns y dooinney shoh: agh my ta spyrryd ny ainle er loayrt rish, ny lhig dooin caggey noi Jee.

Jannoo 24:16

As er-yn-oyr shoh ta mee er my chliaghtey hene, dy reayll kinjagh cooinsheanse gyn loght gys Jee as gys deiney.

Jannoo 24:20

Er-nonney lhig daue shoh hene loayrt, my hooar ad mee-chairys erbee aynym, tra hass mee fenish y choonceil;

1 Corinthianee 4:4

Son ga nagh voddym coyrt nhee erbee gys my lieh hene, ny-yeih cha vel mee liorish shoh er my heyrey; agh eshyn ta dy my vriwnys yn Chiarn eh.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

1 Samuel 12:4

As dooyrt ad, Cha vel oo er volley shin, ny er n’yannoo tranlaase orrin, chamoo t’ou er ghoaill veg veih laue dooinney erbee.

1 Samuel 26:9

As dooyrt David rish Abishai, Ny marr eh: son quoi oddys e laue y heeyney magh noi ree ooilit y Chiarn, as ve gyn loght?