1 Samuel 12:3 - Yn Vible Casherick 1775 1819

³ Cur-jee my-ner, ta mee ayns shoh: jean-jee feanish y ymmyrkey m’oï kiongoyrt rish y Chiarn, as kiongoyrt rish e er-ooilit: quoi veih ta mee er ghoaill dow? ny quoi veih ta mee er ghoaill assyl? ny quoi ta mee er volley? ny quoi er ta mee er n’yannoo tranlaase? ny quoi veih ta mee er ghoaill leagh erbee dy gholley my hooillyn lesh? as nee’m lhiasaghey diu er y hon.

1 Samuel 12:3 ပူးပေါင်းရင်းမြစ်များ

2 Samuel 22:22

Son ta mee er vreayll raaidyn y Chiarn, as cha vel mee dy mee-chrauee er hreigeil my Yee.

Nehemiah 5:11

Cur-jee daue reesht, ta mee guee erriu, er yn eer laa shoh, yn thalloo oc, ny garaghyn-feeyney, ny garaghyn-olive, as ny thieyn oc: myrgeddin yn cheeadoo ayrn jeh’n argid, as jeh’n arroo, yn feeyn, as yn ooil ta shiu dy hroggal jeu.

Psalmyn 15:5

Eshyn ta loo da e naboo, as nagh vel dy volley eh: ga dy beagh eh gys e choayl hene.

Exodus 20:17

Cha der oo saynt da thie dty naboo, cha der oo saynt da ben dty naboo, ny da e harvaant, ny da e inney-veyl, ny da e ghow, ny da e assyl, ny da nhee erbee ta lesh dty naboo.

Exodus 22:4

My ta’n ghriu dy jarroo er ny gheddyn bio ’sy laue, my she dow, assyl, ny keyrrey t’ayn; eeckee eh dooble er y hon.

Exodus 23:8

Cha jean oo gioot y ghoaill, son ta’n gioot dolley sooillyn y tushtey, as cur gyn bree goan yn vooinjer ynrick.

Raaghyn Creeney 15:27

Eshyn ta shleeuit er cosney, t’eh tayrn seaghyn er e hie hene: agh nee eshyn tannaghtyn ta dwoaiagh er giootyn.

Leviticus 6:4

Eisht son dy vel eh er n’yannoo peccah, as dy vel eh oolee, nee eh chyndaa reesht shen ny ghow eh ersooyl lesh tranlaase, ny shen t’eh er gheddyn dy molteyragh ny shen va currit da dy hashtey, ny’n chooid chailjey t’eh er gheddyn,

Leviticus 6:5

Ny ooilley shen, my-e-chione t’eh er loo dy oaiagh; shen hene nee eshyn dy slane chyndaa reesht, as yn wheiggoo ayrn smoo y chur huggey, as ver eh shen dasyn te cair, er laa’n oural-loght echey.

Earrooyn 16:15

As va Moses feer jymmoosagh, as dooyrt eh rish y Chiarn, Ny jean uss soiagh jeh’n oural oc: cha vel mish er ghoaill voue wheesh as un assyl, chamoo ta mee er n’yannoo yn aggair sloo da unnane oc.

Noo Mian 22:21

Dooyrt adsyn rish, Cesar. Eisht dooyrt eh roo, Eeck-jee er-y-fa shen da Cesar shen ny ta lesh Cesar: as da Jee, shen ny ta lesh Jee.

Noo Luke 19:8

As hass Zaccheus magh, as dooyrt eh rish y Chiarn, Cur-my-ner, Hiarn, yn derrey lieh jeh my chooid ta mee dy choyrt da ny boghtyn: as my ta mee er ghoaill red erbee dy molteyragh veih dooinney erbee, ta mee jannoo lhiassaghey kiare-filley da.

Jannoo 20:33

Cha vel mee er chur saynt da argid, ny airh, ny cooid ghooinney erbee.

2 Corinthianee 12:14

Cur-jee my-ner, yn trass cheayrt ta mish aarloo dy heet hiu; as cha bee’m costyllagh diu; son cha vel mee shirrey nyn gooid, agh shiu hene: son cha lhisagh y chloan cur ro-laue cour ny ayraghyn, agh ny ayraghyn cour y chloan.

Deuteronomy 16:19

Cha jean oo briwnys y chassey; cha jean oo soiaghey jeh persoonyn, chamoo nee oo gioot y ghoaill: son ta gioot dolley sooillyn y vooinjer creeney, as cassey cooishyn y sleih cairagh.

1 Thessalonianee 2:10

Ta shiuish feanishyn, as Jee myrgeddin, cre cha crauee as ynrick, as gyn loght dymmyrk shin shin-hene nyn mast’ euish ta credjal:

1 Thessalonianee 2:5

Son chamoo ren shin ec traa erbee ymmyd jeh goan brynnagh, myr ta fys eu hene er, ny coodagh erbee dy haynt: Jee ta feanish.

1 Peddyr 5:2

Cur-jee beaghey da shioltane Yee ta ny mast’ eu, goaill y currym harrystoo, cha nee myr êginit, agh dy aggindagh; cha nee er coontey cosney naareydagh, agh jeh aigney arryltagh;

1 Samuel 10:1

Eisht ghow Samuel boteil dy ooil, as gheayrt eh eh er e chione, as phaag eh eh, as dooyrt eh, Nagh vel eh er-yn-oyr dy vel y Chiarn er dty ooilaghey dy ve captan harrish e eiraght?

1 Samuel 12:4

As dooyrt ad, Cha vel oo er volley shin, ny er n’yannoo tranlaase orrin, chamoo t’ou er ghoaill veg veih laue dooinney erbee.

1 Samuel 12:5

As dooyrt eh roo, Ta’n Chiarn feanish nyn ’oï, as e ree ooilit feanish yn laa jiu, nagh vel shiu er gheddyn monney dy vee-chairys ayns my laue. As dreggyr ad, T’eh ny eanish.

1 Samuel 2:35

As trog-yms seose dou hene saggyrt firrinagh nee cooilleeney shen ny ta ayns my chree, as my aigney: as neem’s thie shickyr y hroggal da, as nee eh shirveish fenish my er-ooilit dy kinjagh.

1 Samuel 24:11

Ny-sodjey, my ayr, jeeagh er shoh, jeeagh eer er skyrt dty choamrey ayns my laue: son liorish dy yiare mee jeh skyrt dty choamrey, as nagh ren mee oo y varroo, foddee oo toiggal as goaill tastey nagh vel olk ny drogh-yannoo ayns my laue, as nagh vel mee er yannoo peccah dt’oï; ny-yeih t’ou shelg son my vioys dy ghoaill eh.

1 Samuel 24:6

As dooyrt eh rish e gheiney, Ny lhig y Chiarn dy jinnin’s yn red shoh y yannoo rish my vainshtyr, ree ooilit y Chiarn, dy heeyney magh my laue n’oï, fakin dy vel eh fer-ooilit y Chiarn.

1 Samuel 24:7

Myr shen ren David e gheiney y lhiettal lesh ny goan shoh, as cha n’uillaghey eh daue laue y choyrt er Saul. Agh hrog Saul er ass yn ooig, as hie eh er e raad.

1 Samuel 26:11

Ny lhig y Chiarn dy jinnin’s my laue y heeyney magh noi ree ooilit y Chiarn: agh nish, ta mee guee ort, gow uss yn shleiy t’ec e chione, as y saagh ushtey; as lhig dooin goll roïn.

1 Samuel 26:9

As dooyrt David rish Abishai, Ny marr eh: son quoi oddys e laue y heeyney magh noi ree ooilit y Chiarn, as ve gyn loght?