1 Samuel 12:25 - Yn Vible Casherick 1775 1819

²⁵ Agh my nee shiu tannaghtyn dy chur-rish olk, hed shiu naardey, chammah shiu-hene as nyn ree.

1 Samuel 12:25 ပူးပေါင်းရင်းမြစ်များ

Lioar Yob 36:12

Agh mannagh bee ad biallagh, nee ad cherraghtyn liorish y chliwe, as yiow ad baase ayns nyn mee-hushtey.

Isaiah 1:20

Agh my ta shiu gobbal as girree-magh, bee shiuish er nyn stroie lesh y chliwe: son ta beeal y Chiarn er loayrt eh.

Isaiah 3:11

Smerg da’n drogh ghooinney! hig eshyn jeh dy doogh; son bee leagh e laueyn er ny choyrt da.

Hosea 10:3

Son nish jir adsyn, Cha vel ree ain, er-yn-oyr nagh ghow shin aggle roish y Chiarn; cre eisht t’ec ree dy yannoo rooin?

Deuteronomy 28:36

Nee’n Chiarn oo hene, as y ree ver oo harryd, y livrey gys ashoon, vees joarree dhyt’s, as da dty ayraghyn: as ayns shen nee shiu shirveish jeeghyn elley, fuygh as clagh.

Deuteronomy 8:19

Agh my nee shiu er aght erbee jarrood y Chiarn nyn Yee, as geiyrt da jeeghyn erbee elley, dy hirveish ad, as dy chur ooashley daue, ta mee gymmyrkey feanish nyn ’oï yn laa jiu, dy jean shiu son shickyrys cherraghtyn.

Joshua 23:16

Tra vees shiu er vrishey conaant y Chiarn y Jee eu, doardee eh diu, as er n’gholl geiyrt er jeeghyn elley dy hirveish ad, as er choyrt ooashley daue; eisht bee corree’n Chiarn er ny vrasnaghey nyn ’oï, as bee shiu dy leah er nyn eebyrt veih’n cheer mie shen t’eh er choyrt diu.

Joshua 24:20

My nee shiu treigeil y Chiarn as shirveish jeeghyn joarree, eisht nee eh chyndaa nyn ’oï, as ver eh seaghyn erriu, as ver eh mow shiu, lurg ooilley’n mie t’eh er n’yannoo diu.

1 Samuel 13:1

Ren Saul reill un vleïn; as tra v’eh er reill daa vleïn harrish Israel,