1 Samuel 12:22 - Yn Vible Casherick 1775 1819

²² Son cha jean y Chiarn treigeil e phobble er graih e ennym mooar hene; son dy s’gooidsave lesh y Chiarn dy yannoo shiu e phobble.

1 Samuel 12:22 ပူးပေါင်းရင်းမြစ်များ

1 Reeaghyn 6:13

As nee’m cummal mastey cloan Israel, as cha dreig-ym my phobble Israel.

1 Reeaghyn 8:57

Dy row’n Chiarn yn Jee ain mârin, myr v’eh marish nyn ayraghyn: ny lhig da faagail, ny treigeil shin;

2 Reeaghyn 14:27

Agh cha dooyrt y Chiarn dy jinnagh eh dolley ass ennym Israel veih fo niau: agh haue eh ad liorish laue Yeroboam mac Yoash.

2 Reeaghyn 21:14

As treig-ym fooilliagh my eiraght, as livrey-ym ad gys laue nyn noidyn; as hig ad dy ve son cragh as spooilley da ooilley nyn noidyn;

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

2 Recortyssyn 15:2

As hie eh magh quail Asa, as dooyrt eh rish, Clasht-jee rhym’s Asa, as ooilley Yudah as Venjamin, Ta’n Chiarn mêriu, choud as vees shiu mârishyn; as my nee shiu shirrey huggeysyn, bee eh er ny gheddyn lieriu; agh my hreigys shiu eshyn, nee eh shiuish y hreigeil.

Nehemiah 9:17

As dob ad dy ve biallagh, chamoo dreill ad ayns cooinaghtyn dty yindyssyn ren oo ny mast’ oc: agh chreoi ad nyn mwannal, as ayns yn irree-magh oc phoint ad captan, dy hyndaa reesht gys nyn mondiaght: agh t’ou uss Jee arryltagh dy phardooney, graysoil as myghinagh, moal gys corree, as dy chenjallys vooar, as cha ren oo ad y hreigeil.

Psalmyn 106:8

Ny-yeih chooin eh lhieu er graih e ennym: dy voddagh eh yn phooar echey y hoilshaghey.

Psalmyn 94:14

Son cha jean y Chiarn failleil e phobble: chamoo nee eh treigeil e eiraght;

Exodus 32:12

Cre’n-fa veagh oyr ec ny Egyptianee dy ghra, Son olk hug eh lesh ad magh, dy stroie ad ayns ny sleityn, as dy chur mow ad veih eaghtyr y thallooin? Chyndaa veih eulys dty yymmoose, as shaghyn yn kerraghey shoh veih dty phobble.

Isaiah 37:35

Son neem’s fendeil yn ard-valley shoh dy hauail eh, er my ghraih hene, as er graih my harvaant David.

Isaiah 41:17

Tra ta’n boght as yn ymmyrchagh gannooinaghey son ushtey, as nagh vel veg ry-gheddyn, as nyn jengey sponkit lesh paays, mish y Chiarn ver couyr daue, mish Jee Israel nagh jean treigeil ad.

Isaiah 42:16

As ver-ym lhiam ny doail er raad nagh row nyn oayll; leeid-ym ad ayns cassanyn nagh bione daue: nee’m yn dorraghys y yannoo sollys rhymboo, as ny raaidyn cammey jeeragh. Ny reddyn shoh nee’m er nyn son, as cha dreig-ym ad.

Isaiah 43:25

Mish, dy jarroo mish hene eh, ta leih dhyt dty loghtyn er my ghraih hene, as cha gooin-ym er dty pheccaghyn.

Isaiah 43:7

Eer dagh unnane ta enmyssit orrym’s: son ta mee er chroo eh son my ooashley, ta mee er chummey eh; dy jarroo, ta mee er chiaddey eh.

Isaiah 48:11

Er my ghraih hene, eer er my ghraih hene, nee’m y yannoo eh: son cre’n-fa veagh my ennym er ny oltooaney? as cha der-yms my ghloyr hene da fer elley.

Isaiah 49:15

Vod ben jarrood yn lhiannoo ta jiole urree, nagh beagh ee chymmoil er oikan e breïn? dy jarroo, foddee ad jarrood; agh foast cha jean-yms uss y yarrood.

Isaiah 63:8

Son dooyrt eh, Shickyr she my phobble ad, cloan nagh jean breg: myr shen v’eshyn nyn Saualtagh.

Jeremiah 14:21

Ny cur feoh dooin, son graih dty ennym; ny lhig da stoyl-reeoil dty ghloyr ve er ny oltooan: cooinee orrin, ny brish dty chonaant rooin.

Jeremiah 14:7

O Hiarn, ga dy vel nyn olkys hene gymmyrkey feanish nyn ’oï, cur uss feaysley dooin, son graih dty ennym: son s’mooar ta nyn gooyl-skyrraghtyn; ta shin er n’yannoo peccah dt’oï’s.

Jeremiah 14:9

Cre’n-fa veagh oo myr dooinney fo atchim, myr dooinney lajer t’er choayl e vree? foast t’ou uss, O Hiarn, ny mast’ ain, as ort’s ta shin enmyssit; ny treig shin.

Dobberan 5:20

Cre’n-fa t’ou dy yarrood shin son dy bragh, as treigeil shin son choud dy hraa?

Ezekiel 20:14

Agh dobbree mee er graih my ennym hene, nagh beagh eh er ny oltooaney mastey ny ashoonee, ayns y chilley oc hug mee lhiam ad magh.

Ezekiel 20:9

Agh dobbree mee er graih m’ennym hene, nagh beagh eh er ny oltooaney kiongoyrt rish ny ashoonee, nyn mastey v’ad, ayns y chilley oc ren mee mee-hene y hoilshaghey daue, ayns coyrt lhiam ad magh ass cheer Egypt.

Malachi 1:2

Va graih aym erriu, ta’n Chiarn dy ghra; foast ta shiu gra, Cre’n ghraih v’ayd orrin? nagh row Esau braar Yacob? ta’n Chiarn dy ghra; ny-yeih bynney lhiam Jacob;

Noo Mian 11:26

Shen dy jarroo myr te, Ayr, son shen myr ve mie ayns dty hilley’s.

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre-erbee nee shiu y hirrey er yn Ayr ayns yn ennym aym’s, dy vod eh y chur diu eh.

Romanee 11:1

Ta mee gra eisht, Vel Jee er hilgey jeh e phobble hene? Ny lhig eh Jee. Son ta mee hene myrgeddin my Israelite jeh sluight Abraham, jeh sheeloghe Venjamin.

Romanee 11:29

Son ta giootyn graysoil as eam Yee gyn caghlaa.

1 Corinthianee 4:7

Son quoi eh ta coyrt dhyt’s yn vondeish erskyn fer elley? as cre t’ayd nagh vel oo er gheddyn? nish my hooar oo eh, cre’n-fa t’ou boggyssagh, myr nagh beagh oo er gheddyn eh?

Ephesianee 1:12

Dy beagh shinyn, ren hoshiaght treishteil ayns Creest, gys moylley e ghloyr.

Ephesianee 1:6

Gys moylley gloyr e ghrayse, liorish t’eh er n’yannoo soiagh j’in ayns e er-graihagh:

Deuteronomy 14:2

Son pobble casherick oo gys y Chiarn dty Yee, as ta’n Chiarn er ghoaill oo son pobble reiht da hene, erskyn dy chooilley ashoon t’er y thalloo.

Deuteronomy 31:17

Eisht bee my chorree er ny vrasnaghey nyn ’oï ’sy laa shen, as neem’s ad y hreigeil, as my eddin y hyndaa voue, as bee ad er nyn stroie, as nee ymmodee uilk, as dourinyn tuittym orroo, ayns wheesh as dy jir ad ec y traa shen, Nagh vel ny huilk shoh er jeet orrin, er-yn-oyr nagh vel y Chiarn nyn Yee ny mast’ ain?

Deuteronomy 31:6

Bee-jee dunnal as creeoil, ny gow-jee aggle roue: son y Chiarn dty Yee, eshyn ta goll mayrt, cha vaill eh, ny cha treig eh oo.

Deuteronomy 31:8

As y Chiarn hene ta dty leeideilagh, bee eh mayrt, cha vaill eh, ny cha treig eh oo: ny bee aggle ort, as ny lhig dty chree voïd.

Deuteronomy 7:6

Son pobble casherick shiuish gys y Chiarn nyn Yee: ta’n Chiarn nyn Yee er reih shiu dy ve ny phobble er-lheh da hene, erskyn dy chooilley ashoon t’er feaï-ny-cruinney.

Deuteronomy 9:5

Cha nee son y chairys ayd’s, ny son ynrickys dty chree, t’ou goll dy ghoaill possession jeh’n cheer oc: agh son mee-chraueeaght ny ashoonyn shoh, ta’n Chiarn dty Yee dy nyn eebyrt magh royd, as dy chooilleeney yn goo vreear y Chiarn da dty ayraghyn, Abraham, Isaac, as Jacob.

Philippianee 1:6

Myr ta shickyrys aym jeh’n eer red shoh, dy der eshyn ta er chur obbyr vie er y hoshiaght ny-vud eu, mullagh er derrey laa Yeesey Creest:

Hebrewnee 13:5

Lhig da’n ymmyrkey-bea eu ve fegooish saynt; as bee-jee booiagh lesh lheid as t’eu: son t’eh er ghra, Cha vaag-ym, ny cha dreig-ym oo dy bragh.

Joshua 7:9

Son nee ny Canaaniteyn, as ooilley cummaltee ny cheerey, clashtyn jeh, as nee ad shin y chruinnaghey mygeayrt, as giarey jeh yn ennym ain veih’n thalloo: as cre nee uss er son gloyr dty ennym mooar hene?

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh: