1 Samuel 12:21 - Yn Vible Casherick 1775 1819

²¹ As ny chyndaa-jee dy lhiattee: son eisht ragh shiu geiyrt er reddyn fardalagh, nagh vod cooney lhieu, ny livrey shiu; son t’ad fardail:)

1 Samuel 12:21 ပူးပေါင်းရင်းမြစ်များ

2 Reeaghyn 17:15

As vrish ad e lattyssyn, as e chonaant ren eh rish nyn ayraghyn, as e recortyssyn lioroo v’eh er n’ymmyrkey feanish nyn ’oï; as deiyr ad er fardalys as ommijys, as hie ad geiyrt er aghtyn ny ashoonee va mygeayrt-y-moo, mychione oc va’n Chiarn er harey ad, nagh jinnagh ad y lheid.

Isaiah 41:29

Cur-my-ner, fardail ad ooilley; dyn veg ta nyn obbraghyn: ta nyn yallooyn lheït geay as shaghrynys.

Isaiah 45:20

Chaggle-jee shiu hene as tar-jee; tar-jee er-gerrey cooidjagh, shiuish scapailtee ny ashoonyn: t’ad gyn tushtey ta soiaghey seose fuygh nyn yalloo grainnit, as ta goaill padjer gys jee nagh vod sauail.

Isaiah 46:7

T’ad dy hroggal eh er y gheaylin, t’ad dy ymmyrkey lhieu eh, as soiaghey eh ayns e ynnyd, as te shassoo; veih e ynnyd cha jean eh gleashagh: dy jarroo, nee fer geamagh huggey, ny-yeih cha vod eh freggyrt, ny sauail eh ass e heaghyn.

Jeremiah 10:15

T’ad fardail, as obbyr y volteyrys: ayns earish nyn gerraghey nee ad cherraghtyn.

Jeremiah 10:8

Agh t’ad ooilley-cooidjagh bolvaneagh as gyn tushtey; ta’n jalloo ny ynsagh dy ardalys.

Jeremiah 14:22

Vel fer erbee mastey fardalyssyn ny ashoonee oddys fliaghey y choyrt? ny vod ny niaughyn jeu hene jannoo frassyn? Nagh nee uss eh, O Hiarn nyn Yee? shen-y-fa nee mayd farkiaght ort; son she uss t’er n’yannoo ooilley ny reddyn shoh.

Jeremiah 16:19

O Hiarn my niart, as my chashtal lajer, as my chemmyrk ’sy laa dy heaghyn, hig ny ashoonee hood’s veih ardjyn sodjey magh yn ooir, as jir ad, Son shickyrys va eiraght nyn ayraghyn ayns breagyn, fardalys, as reddyn gyn ymmyd.

Jeremiah 2:13

Son ta my phobble er n’yannoo daa olk; t’ad er hreigeil mish, farrane ny ushtaghyn bio, as er chleiy daue hene cisternyn, cisternyn brisht, nagh gum veg yn ushtey.

Jeremiah 2:5

Myr shoh ta’n Chiarn dy ghra, Cre’n aggair ta nyn ayraghyn er gheddyn aynym’s, dy vel ad er n’immeeaght foddey voym, as er n’eiyrt er fardail, as moyrn giare-cheeayllagh?

Jonah 2:8

T’adsyn, ta cur geill da fardalyssyn breagagh, treigeil nyn myghin hene.

Jonah 2:9

Agh cheb-yms oural dhyt lesh y choraa dy hoyrt-booise, eeck-ym shen ny ta mee er vreearrey: ta saualtys veih’n Chiarn.

Habakkuk 2:18

Cre’n foays t’ayns y jalloo grainnit, dy vel yn obbree er ghrainney eh; yn jalloo roit, as y fer-ynsee dy vreagyn, dy vel yn obbree treishteil ayns ny jallooyn balloo, obbyr e laueyn hene?

Jannoo 14:15

As gra, Gheiney, cre’n-fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardalyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo:

1 Corinthianee 8:4

Mychione gee ny reddyn shen eisht t’er ny hebbal ayns oural gys jallooyn, ta fys ain nagh vel jalloo monney ’sy theihll, as nagh vel Jee erbee elley ayn agh unnane.

Deuteronomy 11:16

Bee-jee er nyn dwoaie, nagh bee shiu fo molteyrys cree, dy chur shiu er-shaghryn lurg jeeghyn joarree, dy hirveish ad, as dy choyrt ooashley daue:

Deuteronomy 30:17

Agh my nee dty chree chyndaa ersooyl, myr shen nagh n’eaisht oo, agh dy bee oo cleaynit dy choyrt ooashley da jeeghyn elley, as dy hirveish ad:

Deuteronomy 32:21

T’ad er my ghreinnaghey gys corree, lesh shen nagh nee jee eh, t’ad er m’ vrasnaghey gys jymmoose, lesh nyn jallooyn: as neem’s adsyn y ghreinnaghey gys eadaghey lioroosyn nagh nee pobble ad, nee’m ad y vrasnaghey gys corree lesh ashoon fardalagh.