1 Samuel 12:20 - Yn Vible Casherick 1775 1819

²⁰ As dooyrt Samuel rish y pobble, Ny gow-jee aggle: (ta shiu er n’yannoo ooilley yn olk shoh; ny-yeih ny chyndaa-jee dy lhiattee veih geiyrt er y Chiarn, agh shirveish-jee yn Chiarn lesh ooilley nyn gree;

1 Samuel 12:20 ပူးပေါင်းရင်းမြစ်များ

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

Psalmyn 101:3

Tra nee oo my niartaghey: nee’m gimmeeaght ayns my hie lesh cree ynrick.

Psalmyn 125:5

Er son nyn lheid as ta chyndaa reesht gys yn olkys oc hene: leeidee yn Chiarn ad magh marish ny drogh-yantee; agh bee shee er Israel.

Psalmyn 40:4

Nee ymmodee fakin shoh, as aggle y ghoaill: as ver ad nyn dreishteil ayns y Chiarn.

Exodus 23:25

As nee shiu shirveish y Chiarn y Jee eu, as ver eh bannaght er dty arran, as er dty ushtey, as neem’s aslayntyn y ghoaill veih nyn mast’ eu.

Exodus 32:30

As haink eh gy-kione er laa-ny-vairagh, dy dooyrt Moses rish y pobble, Ta shiu er n’yannoo peccah mooar: as nish hem’s seose gys y Chiarn; foddee dy voddym lhiasaghey ’yannoo son nyn beccah.

Jeremiah 3:1

Jir ad, My ta dooinney scarrey rish e ven, as ee dy gholl voish, as cheet dy ve ben da fer elley, jean eh reesht goaill r’ee? nagh bee’n cheer shen fo loght neu-ghlennid? agh t’ou uss er n’yannoo oainjyrys rish maarderagh ny ghaa; ny-yeih chyndaa reesht hym’s, ta’n Chiarn dy ghra.

Haggai 2:5

Rere bree yn chonaant ren mish riu, tra haink shiu magh ass Egypt, myr shen ta my spyrryd tannaghtyn ny mast’ eu: ny gow-jee aggle.

Deuteronomy 10:12

As nish Israel, cre ta’n Chiarn dty Yee dy hirrey jeed, agh dy ghoaill aggle roish y Chiarn dty Yee, dy immeeaght ayns ooilley e raaidyn, as dy choyrt graih da, as dy hirveish y Chiarn dty Yee lesh ooilley dty chree, as lesh ooilley dty annym.

Deuteronomy 11:16

Bee-jee er nyn dwoaie, nagh bee shiu fo molteyrys cree, dy chur shiu er-shaghryn lurg jeeghyn joarree, dy hirveish ad, as dy choyrt ooashley daue:

Deuteronomy 31:29

Son ta fys aym, lurg my vaase, dy der shiu seose shiu hene dy slane dy chur rish olk, as dy jyndaa shiu dy lhiattee veih’n raad, ta mish er harey diu: as dy berree treihys erriu ayns ny laghyn jerrinagh, er-yn-oyr dy n’eiyr shiu er olk ayns shilley’n Chiarn, dy vrasnaghey eh gys corree, lesh obbyr nyn laueyn.

Joshua 23:6

Bee-jee shiuish er-y-fa shen feer dunnal, dy reayll as dy chooilleeney ooilley ny ta scruit ayns lioar leigh Voses, nagh jyndaa shiu dy lhiattee veih gys y laue yesh ny gys y laue hoshtal;

1 Peddyr 3:16

Freayll cooinsheanse vie; son wheesh as dy vel ad goltooaney shiuish myr drogh-yantee, dy vod ad nearey ’ghoaill ta cassid dy foalsey yn ymmyrkey-bea vie eu ayns Creest.

1 Samuel 12:19

As dooyrt ooilley’n pobble rish Samuel, Guee gys y Chiarn dty Yee son dty harvaantyn, nagh vow mayd baase: son harrish as erskyn ooilley nyn beccaghyn elley ta shin er n’yannoo yn olk shoh, dy yeearree dooin ree.