1 Samuel 12:2 - Yn Vible Casherick 1775 1819

² As nish, cur-my-ner, ta’n ree eu dy leeideil shiu: as ta mish shenn, as my chione lheeah; as cur-my-ner, ta my vec mêriu: as shione diu my ymmyrkey veih my aegid gys y laa t’ayn jiu.

1 Samuel 12:2 ပူးပေါင်းရင်းမြစ်များ

Psalmyn 71:18

O cre’n seaghyn as yn arkys trome t’ou er choyrt my raad! as foast hyndaa oo as ren oo mee y ooraghey: dy jarroo, as hug oo lhiat mee reesht veih diunid ny hooirey.

Earrooyn 27:17

Oddys goll magh as stiagh roue, as dy leeideil ad magh, as dy choyrt lesh ad stiagh: nagh bee sheshaght y Chiarn myr kirree fegooish bochilley.

2 Timothy 4:6

Son ta mee nish jannoo aarloo dy ve er my hebbal, as ta traa my vaaish er-gerrey.

Joshua 23:1

As haink eh gy-kione lurg foddey dy hraa, as dy row’n Chiarn er choyrt fea dy Israel veih ooilley nyn noidyn er dy chooilley heu, dy row Joshua er n’aase shenn as er roie dy mooar ayns eash.

Joshua 23:2

As ren Joshua sumney ooilley Israel, as nyn shanstyr, as ny ard-gheiney, as ny briwnyn, as ny fir-oik, dy heet kionfenish, as dooyrt eh roo, Ta mee shenn as er roie ayns eash:

2 Peddyr 1:14

Toiggal dy nhegin dou dy gerrit cur jee’m shoh my chabbane, dy jarroo myr ta nyn Jiarn Yeesey Creest er hoilshaghey dou.

1 Samuel 2:22

Nish va Eli feer shenn, as cheayll eh jeh ooilley ny va e vec er n’yannoo rish ooilley Israel, as kys lhie ad marish ny mraane ren chaglym cooidjagh ec dorrys y chabbane-agglish.

1 Samuel 2:29

Cre’n-fa ta shiu stampey fo-chosh my ourallyn as my hebballyn, ta mee er harey ayns my hie, as lowal da dty vec yn ooashley dy ve shirveishit roym’s, dy lhieeney shiu hene lesh y chooid share jeh ooilley ourallyn Israel my phobble?

1 Samuel 3:10

As haink y Chiarn, as deïe eh myr ren eh roïe, Samuel, Samuel. Eisht dreggyr Samuel, Loayr, Hiarn; son ta dty harvaant clashtyn.

1 Samuel 3:13

Son ta mee er n’insh da dy goym kerraghey er e hie, gys earishyn foddey, son y peccah nagh vel gyn-yss da; er-yn-oyr dy ren e vec ad-hene mollaghtagh, as nagh ren eh smaghtaghey ad.

1 Samuel 3:16

Eisht deïe Eli er Samuel, as dooyrt eh, Samuel my vac. As dreggyr eh, Ta mee ayns shoh.

1 Samuel 8:1

As haink eh gy-kione tra va Samuel shenn, dy ren eh e vec briwnyn er Israel.

1 Samuel 8:20

Dy vod shinyn myrgeddin ve myr ashoon elley; as dy vod nyn ree shin y vriwnys, as dy ve nyn leeideilagh, as dy reill ny caggaghyn ain.

1 Samuel 8:3

As cha ren e vec shooyl ayns e raaidyn; agh v’ad shêgin er cosney, as ghow ad giootyn, as ren ad cassey briwnys.

1 Samuel 8:5

As dooyrt ad rish, Cur-my-ner, t’ou uss shenn, as cha vel dty vec shooyl ayns dty raaidyn: cur dooin nish ree dy vriwnys shin myr t’ec dy chooilley ashoon elley.