1 Samuel 12:17 - Yn Vible Casherick 1775 1819

¹⁷ Nagh vel eh jiu imbagh y fouyr-churnagh? neem’s geamagh gys y Chiarn, as ver eh neose taarnagh as fliaghey; dy vod shiu goaill tastey as fakin dy mooar nyn olkys ayns shilley’n Chiarn, ayns shirrey diu hene ree.

1 Samuel 12:17 ပူးပေါင်းရင်းမြစ်များ

Psalmyn 99:6

Moses as Aaron mastey e haggyrtyn, as Samuel mâroosyn ta geamagh er e Ennym: deïe ad shoh er y Chiarn, as cheayll eh ad.

Exodus 32:30

As haink eh gy-kione er laa-ny-vairagh, dy dooyrt Moses rish y pobble, Ta shiu er n’yannoo peccah mooar: as nish hem’s seose gys y Chiarn; foddee dy voddym lhiasaghey ’yannoo son nyn beccah.

Raaghyn Creeney 26:1

Myr y sniaghtey souree, as fliaghey ’syn ouyr, myr shen cha vel ooashley cooie da ommydan.

Jeremiah 15:1

Eisht dooyrt y Chiarn rhym, Ga dy shassagh Moses as Samuel kiongoyrt rhym, ny-yeih cha vod my aigney y ve lesh y pobble shoh; ceau magh ad ass my hilley, as lhig daue goll.

Joshua 10:12

Eisht loayr Joshua rish y Chiarn ’sy laa va’n Chiarn er livrey seose ny Amoriteyn gys laue cloan Israel, as dooyrt eh ayns shilley Israel, Ghrian, shass raad t’ou er Gibeon; as uss, Eayst, harrish coan Ajalon.

1 Samuel 12:13

Nish er-y-fa shen, cur-jee my-ner yn ree ta shiu er reih, as ta shiu-hene er yeearree! as cur-my-ner, ta’n Chiarn er hoiaghey ree harrishdiu.

1 Samuel 12:19

As dooyrt ooilley’n pobble rish Samuel, Guee gys y Chiarn dty Yee son dty harvaantyn, nagh vow mayd baase: son harrish as erskyn ooilley nyn beccaghyn elley ta shin er n’yannoo yn olk shoh, dy yeearree dooin ree.

1 Samuel 2:10

Bee noidyn y Chiarn brisht dy peeshyn: veih niau nee eh taarnaghey orroo: nee’n Chiarn briwnys ardjyn sodjey magh y theihll; as ver eh niart da e ree, as troggee eh dy ard eairk e er-ooilit.

1 Samuel 7:5

As dooyrt Samuel, Lhig da ooilley Israel ve er nyn jaglym cooidjagh ec Mizpeh, as goyms padjer er nyn son gys y Chiarn.

1 Samuel 8:6

Agh va shoh dy mooar noi aigney Samuel, tra dooyrt ad, Cur dooin ree dy reill harrin. As ghow Samuel padjer gys y Chiarn.

1 Samuel 8:7

As dooyrt y Chiarn rish Samuel, Cur raad da coraa yn pobble ayns ooilley ny t’ad dy ghra rhyt: son cha nee uss t’ad er yiooldey voue, agh mish, veih reill harrystoo.