1 Samuel 12:11 - Yn Vible Casherick 1775 1819

¹¹ As hug y Chiarn Jerubbaal, as Bedan, as Jephthah, as Samuel, as ren eh shiu y livrey ass laueyn nyn noidyn er dy chooilley heu, as ren shiu baghey ayns shee.

1 Samuel 12:11 ပူးပေါင်းရင်းမြစ်များ

2 Reeaghyn 13:5

(As hug y Chiarn livreyder da Israel, ren ad y hauail veih laue ny Syrianee: as va cloan Israel ec shee ayns ny cabbaneyn oc, myr v’ad roïe.

1 Recortyssyn 7:17

As mac Ulam, Bedan. Ad shoh va mec Ghilead, mac Machir, mac Vanasseh.

Briwnyn 4:6

As hug ee chaghteraght gys Barak mac Abinoam veih Kedesh-naphtali, as dooyrt ee rish, Nagh vel y Chiarn Jee Israel er harey, gra, Immee, as tayrn gys slieau Tabor, as gow mayrt jeih thousane dooinney jeh cloan Naphtali, as jeh cloan Zebulun?

Briwnyn 6:14

As yeeagh y Chiarn er, as dooyrt eh, Immee er dty hoshiaght ayns dty niart, as saue-ee oo Israel veih laue ny Midianiteyn: nagh nee mish t’er dty choyrt?

Briwnyn 6:31

As dooyrt Joash roosyn ooilley hass seose n’oï, Vel shiu pleadeil ayns lieh Baal? vel shiu shassoo seose er e hon? eshyn nee pleadeil ny lieh lhig eh ve er ny choyrt gy-baase jeeragh er y voghrey shoh: my t’eh ny yee, lhig da loayrt er e hon hene, fakin dy vel fer er lhieggal e altar.

Briwnyn 6:32

Shen-y-fa er y laa shen denmys eh Gideon, Jerubbaal, gra, Lhig da Baal pleadeil n’oï-syn, as cooilleeney ’ghoaill ersyn lhieg e altar.

Briwnyn 7:1

Eisht ren Jerubbaal, (shen Gideon,) as ooilley’n pobble va mârish, girree dy moghey, as campal liorish chibbyr Harod: myr shen dy row sheshaght-caggee ny Midianiteyn my-hwoaie jeu, liorish cronk Moreh, ’sy choan.

Briwnyn 8:29

As hie Jerubbaal mac Yoash, as chum eh ’sy hie hene.

Briwnyn 8:35

Chamoo hoilshee ad kenjallys da thie Jerubbaal, ta shen Gideon, son ooilley ny obbraghyn mie v’eh er n’yannoo son Israel.

1 Samuel 3:20

As va fys ec ooilley Israel, veih Dan eer gys Beer-sheba, dy row Samuel er ny oardaghey dy ve phadeyr y Chiarn.

1 Samuel 7:13

Myr shoh hooar ad barriaght er ny Philistinee, nagh daink ad arragh gys ardjyn Israel: as va laue’n Chiarn noi ny Philistinee ooilley laghyn Samuel.