1 Samuel 12:10 - Yn Vible Casherick 1775 1819

¹⁰ As deïe ad gys y Chiarn, as dooyrt ad, Ta shin er n’yannoo peccah, er-yn-oyr dy vel shin er hreigeil y Chiarn, as er hirveish Baalim as Ashtaroth: agh nish livrey shin veih laueyn nyn noidyn, as nee mayd uss y hirveish.

1 Samuel 12:10 ပူးပေါင်းရင်းမြစ်များ

Psalmyn 106:44

Chooinee eh er e chonaant, as va chymmey echey orroo, cordail rish earroo e vyghinyn: hug eh dy jarroo orroosyn ooilley va leeideil ad ersooyl ayns cappeeys dy ve erreeishagh daue.

Isaiah 26:16

Hiarn, ayns seaghyn t’ad er yeeaghyn er dty hon; gheayrt ad magh padjer tra va dty smaght orroo.

Isaiah 33:22

Son ta’n Chiarn y briw ainyn, yn Chiarn fer-toyrt nyn leigh, ta’n Chiarn nyn ree; nee eh shin y hauail.

Joshua 13:31

As va lieh Ghilead, as Ashtaroth, as Edrei, baljyn reeriaght Og ayns Bashan, er ny choyrt da cloan Vachir mac Vanasseh, ta shen, da’n derrey lieh jeh cloan Vachir rere nyn gynneeyn.

Briwnyn 10:10

As ren cloan Israel geamagh gys y Chiarn, gra, Ta shin er n’yannoo peccah dt’oï, er-yn-oyr dy vel shin chammah er dreigeil y Jee ain, as myrgeddin er hirveish Baalim.

Briwnyn 2:11

As ren cloan Israel peccah ayns shilley’n Chiarn, as hirveish ad Baalim:

Briwnyn 2:13

As hreig ad y Chiarn, as hirveish ad Baalim as Ashtaroth.

Briwnyn 3:15

Agh tra ren cloan Israel gaccan gys y Chiarn, hrog y Chiarn seose daue fendeilagh, Ehud mac Gera, Benjamite, dooinney kiuttagh: as leshyn hug cloan Israel gioot gys Eglon ree Voab.

Briwnyn 3:7

As ren cloan Israel olk ayns shilley’n Chiarn, as yarrood ad yn Chiarn nyn Yee, as hirveish ad Baalim as Ashtaroth.

Briwnyn 3:9

As tra ren cloan Israel gaccan gys y Chiarn, hrog y Chiarn seose fendeilagh da cloan Israel, ren ad y livrey, eer Othniel mac Kenaz, braar saa Caleb.

Briwnyn 4:3

As ren cloan Israel gaccan gys y Chiarn; son va echey nuy cheead fainagh yiarn; as son feed bleïn ren eh dy mooar seaghney cloan Israel.

Briwnyn 6:7

As haink eh gy-kione, tra ren cloan Israel aghin gys y Chiarn kyndagh rish ny Midianiteyn,

1 Samuel 7:2

As haink eh gy-kione, choud’s va’n arg ayns Kirjath-jearim, dy row yn traa foddey; son ve feed bleïn: as ren ooilley thie Israel dobberan, as chyndaa gys y Chiarn.

1 Samuel 7:6

As v’ad er nyn jaglym cooidjagh ec Mizpeh, as hayrn ad ushtey, as gheayrt ad eh magh kiongoyrt rish y Chiarn, as hrosht ad er y laa shen, as dooyrt ad ayns shen, Ta shin er n’yannoo peccah noi’n Chiarn. As ren Samuel cloan Israel y vriwnys ayns Mizpeh.