1 Samuel 11:8 - Yn Vible Casherick 1775 1819

⁸ As tra v’eh er ghoaill yn earroo oc ayns Bezek, va cloan Israel three cheead thousane, as va deiney Yudah jeih thousaneyn as feed.

1 Samuel 11:8 ပူးပေါင်းရင်းမြစ်များ

2 Samuel 24:9

As livrey Joab stiagh slane coontey’n pobble da’n ree, as v’ayns Israel hoght cheead thousane dy gheiney-caggee va tayrn y chliwe; as va deiney Yudah queig cheead thousane.

2 Reeaghyn 3:6

As hie ree Jehoram magh ec y traa shoh ass Samaria, as ren eh ooilley Israel y earroo.

Briwnyn 20:2

As haink ard-gheiney ooilley’n pobble, eer jeh ooilley tribeyn Israel, dy hebbal ad-hene ayns chaglym-cooidjagh pobble Yee, kiare cheead thousane coshee va tayrn y chliwe.

1 Samuel 11:9

As dooyrt ad rish ny chaghteryn, Shoh myr jir shiu rish deiney Yabesh-gilead, Mairagh, mysh y vun-laa, yiow shiu cooney. As haink ny chaghteryn, as hoilshee ad shoh da deiney Yabesh; as ghow ad cree.

1 Samuel 13:15

As hrog Samuel er, as hie eh seose veih Gilgal gys Gibeah jeh Benjamin. As ghow Saul earroo yn pobble va mârish, mysh shey cheead dooinney.

1 Samuel 15:4

As ren Saul chaglym y pobble cooidjagh, as ghow eh yn earroo oc ayns Telaim, daa cheead thousane coshee, as jeih thousaneyn dy gheiney Yudah.