1 Samuel 11:6 - Yn Vible Casherick 1775 1819

⁶ As haink Spyrryd Yee er Saul tra cheayll eh ny naightyn shen, as va e chorree dy mooar er ny vrasnaghey.

1 Samuel 11:6 ပူးပေါင်းရင်းမြစ်များ

Exodus 32:19

As haink eh gy-kione, myr v’eh tayrn er-gerrey gys y champ, dy chronnee eh yn lheiy, as y daunsin: as ghreesee corree Voses, as hilg eh ny buird ass e laueyn, as vrish eh ad ec bun y clieau.

Earrooyn 12:3

(Nish va Moses ny ghooinney feer vannee, erskyn ooilley ny deiney v’er eaghtyr y thallooin.)

Noo Mark 3:5

As tra v’eh er yeeaghyn mygeayrt orroo lesh corree, v’eh seaghnit son creoghys nyn greeaghyn, as dooyrt eh rish y dooinney, Sheeyn magh dty laue: as heeyn eh magh ee; as va e laue er ny laanaghey myr y laue elley.

Ephesianee 4:26

My hig corree erriu, ny jean-jee peccah. Ny lhig da’n ghrian lhie er y chorree eu:

Briwnyn 11:29

Eisht haink spyrryd y Chiarn er Jephthah, as hie eh harrish Gilead as Manasseh, as hie eh er e hoshiaght harrish Mizpeh jeh Gilead, as veih Mizpeh jeh Gilead noi cloan Ammon.

Briwnyn 13:25

As ren Spyrryd y Chiarn toshiaght dy ghreinnaghey eh nish as reesht myr v’eh ayns camp Dan, eddyr Zorah as Eshtaol.

Briwnyn 14:6

As haink Spyrryd y Chiarn dy niartal er; as raip eh eh myr raipagh eh mannan, as cha row veg echey ny laue: agh cha dinsh eh da e ayr ny e voir cre v’eh er n’yannoo.

Briwnyn 15:14

As tra haink eh gys Lehi, dyllee ny Philistinee n’oï: as haink Spyrryd y Chiarn dy niartal er, as haink ny coyrdyn v’er e roihaghyn dy ve myr lieen losht lesh aile, as huitt ny geulaghyn veih e laueyn.

Briwnyn 3:10

As haink Spyrryd y Chiarn er, as ren eh briwnys Israel, as hie eh magh dy chaggey; as ren y Chiarn livrey Chushan-rishathaim ree Mesopotamia gys e laue; as va e laue er ny niartaghey noi Chushan-rishathaim.

Briwnyn 6:34

Agh haink Spyrryd y Chiarn er Gideon, as heid eh lesh trumpet; as va deiney Abiezer er nyn jaglym geiyrt er.

1 Samuel 10:10

As tra v’ad er jeet gys y chronk, cur-my-ner, haink sheshaght d’adeyryn ny whail; as va Spyrryd Yee er, as ghow eh arraneyn-moyllee mâroo.

1 Samuel 10:6

As hig Spyrryd y Chiarn ort hene, as gowee oo arraneyn-moyllee mâroo, as bee oo er dty chaghlaa gys dooinney elley.

1 Samuel 16:13

Eisht ghow Samuel yn eairk dy ooil, as ren eh eh y ooilaghey er-lheh veih e vraaraghyn: as haink Spyrryd y Chiarn er David veih’n laa shen magh. Myr shen dirree Samuel, as hie eh gys Ramah.

1 Samuel 16:14

Agh ren Spyrryd y Chiarn Saul y hreigeil, as v’eh seaghnit lesh spyrryd dy olkys veih’n Chiarn.