1 Samuel 11:4 - Yn Vible Casherick 1775 1819

⁴ Eisht haink ny chaghteryn gys Gibeah Saul, as dinsh ad ny naightyn ayns clashtyn y pobble: as hrog ooilley yn pobble seose nyn goraa, lesh dobberan.

1 Samuel 11:4 ပူးပေါင်းရင်းမြစ်များ

Genesis 27:38

As dooyrt Esau rish e ayr, Vel ayd agh un vannaght, my ayr? bannee mish, dy jarroo mish, myrgeddin, O my ayr; As hrog Esau seose e choraa, as cheayn eh.

2 Samuel 21:6

Lhig da shiaght deiney jeh e vec ve er ny livrey hooin, as crogh mayd ad seose son lhiasaghey fenish y Chiarn, ayns Gibeah jeh Saul, ren y Chiarn y reih. As dooyrt y ree, Ver-ym diu ad.

1 Recortyssyn 12:3

Yn ard-er va Ahiezer, eisht Joash, mec Shemaah yn Gibeathite; as Jeziel, as Pelet, mec Azmaveth: as Berachah, as Jehu yn Antothite.

Romanee 12:15

Gow-jee boggey mâroosyn ta goaill boggey, as jean-jee dobberan mâroosyn ta dobberan.

1 Corinthianee 12:26

Son edyr un olt dy hurranse, ta ooilley ny oltyn surranse mârish: ny un olt dy v’er ny choamrey lesh onnor, ta ooilley ny oltyn goaill boggey mârish.

Galatianee 6:2

Ymmyrk-jee erraghyn y cheilley, as myr shoh lhieen-jee yn leigh.

Hebrewnee 13:3

Cooinee-jee orroosyn t’ayns geulaghyn, myr ayns geulaghyn mâroo; as orroosyn t’ayns seaghyn, myr ta shin hene myrgeddin ’sy challin.

Briwnyn 2:4

As haink eh gy-kione, tra va ainle y Chiarn er loayrt ny goan shoh rish ooilley cloan Israel, dy hrog y pobble seose nyn goraa, as ren ad dobberan.

Briwnyn 20:23

(As hie cloan Israel seose, as ren ad dobberan fenish y Chiarn, derrey’n astyr, as hir ad coyrle jeh’n Chiarn, gra, Jem seose reesht dy chaggey noi cloan Venjamin my vraar? As dooyrt y Chiarn, Gow seose n’oï.)

Briwnyn 20:26

Eisht hie ooilley cloan Israel seose, as haink ad gys thie Yee, as hoie ad ayns shen dobberan kiongoyrt rish y Chiarn, as hrosht ad yn laa shen derrey’n astyr, as heb ad ourallyn-losht as ourallyn-shee kiongoyrt rish y Chiarn.

Briwnyn 21:2

As haink y pobble gys thie Yee, as duirree ad ayns shen gys yn astyr fenish Yee, as hrog ad seose nyn goraa, as cheayn ad dy sharroo;

1 Samuel 10:26

As hie Saul myrgeddin thie gys Gibeah, as gard dy gheiney-caggee mârish, ny creeaghyn oc va Jee er jyndaa dy ve lesh.

1 Samuel 14:2

As va Saul ’sy chione elley jeh Gibeah, fo billey-pomegranate ayns Migron: as va earroo’n pobble va mârish mysh shey cheead dooinney;

1 Samuel 15:34

Eisht hie Samuel gys Ramah; as hie Saul seose gys e hie gys Gibeah Saul.

1 Samuel 30:4

Eisht hrog David as y pobble va mârish seose nyn goraa, as cheayn ad, derrey nagh row pooar oc dy cheayney ny sodjey.