1 Samuel 11:2 - Yn Vible Casherick 1775 1819

² As dreggyr Nahash yn Ammonite ad, Er y chonaant shoh nee’m coardail riu, dy der-ym assdiu ooilley yn tooill yesh, dy ve son oltooan er ooilley Israel.

1 Samuel 11:2 ပူးပေါင်းရင်းမြစ်များ

Genesis 34:14

As dooyrt ad roo, Cha vod mayd shoh ’yannoo, dy choyrt nyn shuyr da fer chymmyltagh: son veagh shen scammylt dooin.

2 Reeaghyn 18:31

Ny eaisht-jee rish Hezekiah: son myr shoh ta ree Assyria gra, Jean-jee coardail rhym’s lesh gioot, as tar-jee magh hym’s, as eisht ee-jee dy chooilley ghooinney jeh e villey-feeyney hene, as dy chooilley unnane jeh e villey-figgagh hene, as iu-jee dy chooilley unnane jeh ushtaghyn yn chibbyr echey hene;

Psalmyn 44:13

T’ou creck dty phobble son veg: as cha vel oo goaill veg yn argid er nyn son.

Exodus 3:6

Dooyrt eh myrgeddin, Mish Jee dty ayrey, Jee Abraham, as Jee Isaac, as Jee Yacob. As choodee Moses e eddin: son va aggle er dy yeeaghyn er Jee.

Raaghyn Creeney 12:10

Ta dooinney myghinagh soiaghey mooar jeh bioys e vaagh: agh ta myghinyn meiygh ny mee-chrauee dewilys.

Jeremiah 39:7

Ny-sodjey, hug eh sooillyn Zedekiah ass, as hug eh ayns geulaghyn eh, dy chur lesh eh gys Babylon.

Earrooyn 16:14

Marish shoh, cha vel oo er chur lhiat shin gys cheer messoil ayns bainney as mill, ny er chur dooin eiraght ayns magheryn as garaghyn-feeyney: vel oo son dolley sooillyn ny deiney shoh? cha jig mayd seose.

Briwnyn 16:21

As ghow ny Philistinee eh, as chur ad e hooillyn ass, as hug ad lhieu eh sheese gys Gaza, as chiangle ad eh lesh geulaghyn prash, as hug ad er blieh ayns thie yn phryssoon.

1 Samuel 11:10

Shen-y-fa dooyrt deiney Yabesh, Mairagh hig mayd hiu, as nee shiu rooin myr sailliu.

1 Samuel 12:12

As tra honnick shiu dy daink Nahash ree cloan Ammon nyn ’oï, dooyrt shiu rhym, Cha jean shoh mie; agh ree vees ain harrin; tra va’n Chiarn Jee hene nyn ree.

1 Samuel 17:26

As loayr David rish ny deiney hass liorish, gra, Cre vees jeant son y dooinney varrys yn Philistine shoh, as scughys yn scammylt shoh veih Israel? son quoi’n Philistine chymmyltagh shoh, dy goghe eh er dy choyrt y-lane fo armeeyn y Jee bio.