1 Samuel 11:14 - Yn Vible Casherick 1775 1819

¹⁴ Eisht dooyrt Samuel rish y pobble, Tar-jee, as lhig dooin goll gys Gilgal, as y reeriaght y hickyraghey ass-y-noa ayns shen.

1 Samuel 11:14 ပူးပေါင်းရင်းမြစ်များ

2 Samuel 19:15

Myr shen hyndaa’n ree, as haink eh gys Jordan. As haink Judah gys Gilgal, dy gholl quail y ree, dy choyrt eh harrish Jordan.

Amos 5:5

As ny shir-jee gys Beth-el, chamoo gow-jee stiagh ayns Gilgal, as ny immee-jee gys Beer-sheba: son hed Gilgal son shickyrys ayns cappeeys, as hed Beth-el naardey.

1 Samuel 10:8

As hed oo sheese roym’s gys Gilgal; as cur-my-ner, hig-yms sheese hood, dy hebbal ourallyn-losht, as ourallyn-shee: shiaght laa nee oo farkiagh, derrey hig-ym, dy chur royd cre nee oo y yannoo.

1 Samuel 12:1

As dooyrt Samuel rish ooilley Israel, Cur-my-ner, Ta mee er n’eaishtagh rish nyn goraa ayns ooilley ny dooyrt shiu rhym, as er n’yannoo ree harrishdiu.

1 Samuel 5:3

As tra dirree deiney Ashdod dy moghey laa-ny-vairagh, cur-my-ner, va Dagon er duittym er e eddin gys y thalloo kiongoyrt rish arg y Chiarn: as ghow ad Dagon, as hoie ad eh seose reesht ayns e ynnyd.

1 Samuel 7:16

As hie eh dagh bleïn mygeayrt er Beth-el, as Gilgal, as Mizpeh, as ren eh Israel y vriwnys ayns ooilley ny boayllyn shen.