1 Samuel 11:1 - Yn Vible Casherick 1775 1819

¹ Eisht haink Nahash yn Ammonite seose, as ren eh campal noi Jabesh-gilead: as dooyrt ooilley deiney Yabesh rish Nahash, Jean conaant rooin, as nee mayd oo y hirveish.

1 Samuel 11:1 ပူးပေါင်းရင်းမြစ်များ

Genesis 26:28

As dooyrt adsyn, Honnick shin son shickyrys, dy row yn Chiarn mayrt: as dooyrt shin, Lhig da nish breearrey ve eddyr shin, dy feer eddyr shinyn as uss, as lhig dooin conaant y yannoo rhyt;

2 Samuel 10:1

As haink eh gy-kione lurg shoh, dy dooar ree cloan Ammon baase, as ren Hanun e vac reill ’syn ynnyd echey.

2 Samuel 10:2

Eisht dooyrt David, Neem’s my chenjallys y yeeaghyn da Hanun mac Nahash, myr hoilshee e ayr aigney-mie dooys. As hug David e harvaantyn dy gherjaghey eh son baase e ayrey. As haink sharvaantyn Ghavid gys cheer cloan Ammon.

2 Samuel 17:27

As haink eh gy-kione, tra va David er jeet gys Mahanaim, dy ren Shobi mac Nahash, veih Rabbah jeh cloan Ammon, as Machir mac Ammiel, veih Lodebar, as Barzillai yn Gileadite, veih Rogelim,

2 Samuel 2:5

As hug David chaghteryn gys deiney Yabesh-gilead, as dooyrt eh roo, Bannit dy row shiuish jeh’n Chiarn, son y chenjallys shoh ta shiu er hoilshaghey da nyn jiarn, eer da Saul, as dy vel shiu er n’oanluckey eh.

1 Reeaghyn 20:34

As dooyrt Ben-hadad rish, Ny ard-valjyn ghow my ayr’s veih’n ayr ayd’s livrey-yms seose hood reesht; as nee oo straidyn dhyt hene ayns Damascus, myr ren my ayr’s ayns Samaria. Eisht dooyrt Ahab, Er y chonaant shoh lhig-ym y raad dhyt. Myr shoh ren eh conaant rish, as lhig eh yn raad da.

1 Recortyssyn 10:11

As tra va ooilley Jabesh-gilead er chlashtyn ooilley ny va ny Philistinee er n’yannoo rish Saul;

1 Recortyssyn 10:12

Dirree ooilley ny deiney niartal, as ghow ad ersooyl corp Saul, as kirp ny mec echey, as hug ad lhieu ad gys Jabesh; as doanluck ad ny craueyn oc fo’n villey-darragh t’ayns Jabesh, as ren ad trostey shiaght laa.

Lioar Yob 41:4

Jean eh coardail y yannoo rhyt? jean oo goaill eh son dty harvaant gagh-laa?

Exodus 23:32

Cha jean oo conaant erbee roosyn, ny rish ny jeeghyn oc.

Isaiah 36:16

Ny eaisht-jee rish Hezekiah; son myr shoh ta ree Assyria gra, Jean-jee coardail rhym liorish gioot, as tar-jee magh hym’s; as ee-jee dy chooilley ghooinney jeh e villey-feeyney hene, as dy chooilley ghooinney j’iu jeh e villey-figgagh hene, as iu-jee dy chooilley unnane jeh ushtaghyn yn chibbyr echey hene;

Jeremiah 40:11

Myr-chaagh, tra va ooilley ny Hewnyn v’ayns Moab, as mastey ny Ammoniteyn, as ayns Edom, as ayns ooilley ny cheeraghyn mygeayrt, er chlashtyn dy row ree Vabylon er vaagail fooilliagh dy Yudah, as dy row eh er hoiaghey harrystoo Gedaliah mac Ahikam, mac Shaphan;

Jeremiah 40:14

As dooyrt ad rish, S’beg fys t’ayd dy vel Baalis ree ny Ammoniteyn er choyrt Ishmael mac Nethaniah dy dty varroo? Agh cha ren Gedaliah mac Ahikam ad y chredjal.

Ezekiel 17:13

As t’eh er ghoaill jeh’n sluight reeoil, as er n’yannoo conaant rish, as er n’ghoaill breearrey jeh: t’eh er n’ghoaill myrgeddin mârish deiney niartal y cheer.

Deuteronomy 23:3

Cha bee Ammonite ny Moabite goit stiagh gys pobble y Chiarn; eer gys y jeihoo heeloghe cha bee ad goit stiagh gys cairys pobble y Chiarn son dy bragh.

Briwnyn 10:7

As ren jymmoose yn Chiarn brishey magh noi Israel, as chreck eh ad gys laue ny Philistinee, as gys laue cloan Ammon.

Briwnyn 11:4

As haink eh gy-kione lurg earish, dy ren cloan Ammon caggey noi Israel.

Briwnyn 21:8

As dooyrt ad, Quoi t’ayn jeh tribeyn Israel, nagh daink seose gys Mizpeh gys y Chiarn? As cur-my-ner, cha daink dooinney veih Jabesh-gilead gys y champ ec yn eam.

1 Samuel 12:12

As tra honnick shiu dy daink Nahash ree cloan Ammon nyn ’oï, dooyrt shiu rhym, Cha jean shoh mie; agh ree vees ain harrin; tra va’n Chiarn Jee hene nyn ree.

1 Samuel 14:47

Myr shen ghow Saul yn reiltys harrish Israel, as ren eh caggey noi ooilley e noidyn er dy chooilley heu, noi Moab, as noi cloan Ammon, as noi Edom, as noi reeaghyn Zobah, as noi ny Philistinee: as cre-erbee yn raad hyndaa eh, hooar eh yn varriaght.