1 Samuel 10:5 - Yn Vible Casherick 1775 1819

⁵ Lurg shen, hig oo gys cronk Yee, raad ta garrison ec ny Philistinee: as hig eh gy-kione tra t’ou er roshtyn choud shen gys yn ard-valley, dy jig dty whail sheshaght d’adeyryn, cheet neose veih’n ard-ynnyd, lesh psalteree, as drum, as feddan, as claasagh, rhymboo, goaill arraneyn-moyllee.

1 Samuel 10:5 ပူးပေါင်းရင်းမြစ်များ

1 Reeaghyn 18:29

As haink eh gy-kione lurg y vun-laa, dy jagh ad er myr ayns aght phadeyrys, derrey traa chebbal yn oural-fastyr: agh cha row edyr coraa, ny fer erbee dy ansoor, ny fer erbee dy choyrt geill daue.

2 Reeaghyn 2:15

As tra honnick mec ny phadeyryn eh, adsyn hie dy ghoaill baght ec Jericho, dooyrt ad, Ta spyrryd Elijah tannaghtyn er Elisha. As hie ad ny whail, as ren ad croymmey ad-hene gys y thalloo kiongoyrt rish:

2 Reeaghyn 2:3

As haink mec ny phadeyryn, v’ec Beth-el, magh gys Elisha, as dooyrt ad rish, Vel fys ayd dy jean y Chiarn troggal seose dty vainshtyr veih dty chione er y laa shoh? As dooyrt eh, S’feer ta fys aym er; bee-jee shiuish nyn dhost.

2 Reeaghyn 2:5

As haink mec ny phadeyryn, v’ec Jericho, magh gys Elisha, as dooyrt ad rish, Vel fys ayd dy jean y Chiarn troggal seose dty vainshtyr veih dty chione er y laa shoh? As dreggyr eh, Dy jarroo ta fys aym er; bee-jee shiuish nyn dhost.

2 Reeaghyn 2:7

As hie jeih deiney as da-eed jeh mec ny phadeyryn, as hass ad dy ghoaill baght foddey jeh: as hass ad ny-neesht liorish Jordan.

2 Reeaghyn 3:15

Agh nish, cur-jee lhieu hym kiaulleyder. As haink eh gy-kione, tra chloie yn kiaulleyder, dy daink laue y Chiarn er.

2 Reeaghyn 4:38

As haink Elisha reesht gys Gilgal, as va genney ’sy cheer, as va mec ny phadeyryn nyn soie kiongoyrt rish: as dooyrt eh rish e harvaant, Soie’n pot mooar er yn aile, as jean poddash y aarlaghey son mec ny phadeyryn.

2 Reeaghyn 6:1

AS dooyrt mec ny phadeyryn rish Elisha, Cur-my-ner nish, ta’n ynnyd raad ta shin cummal mayrt’s ro choon er nyn son.

1 Recortyssyn 11:16

As va David eisht ayns y charrick, as va garrison ny Philistinee y traa shen ec Beth-lehem.

1 Recortyssyn 13:8

As chloie David as ooilley Israel kiongoyrt rish Jee lesh ard choraa, as lesh kiaulleeaght, as lesh claasaghyn, as lesh psaltereeyn, as lesh timbrelyn, as lesh cymballyn, as lesh trumpetyn.

1 Recortyssyn 16:42

As mâroosyn Heman as Jeduthun lesh trumpetyn as cymballyn son ard-vingys, as lesh greinyn-kiaullee elley dy choyrt moylley da Jee. As va mec Jeduthun ny porteryn.

1 Recortyssyn 16:5

Asaph y chied er, as by-niessey dasyn Zechariah, Jeiel, as Shemiramoth, as Jehiel, as Mattithiah, as Eliab, as Benaiah, as Obed-edom: as Jeiel lesh psaltereeyn, as lesh claasaghyn; agh ren Asaph kiaull lesh cymballyn.

Psalmyn 49:4

Croym-ym my chleaysh gys y coraa-dorraghey: as nee’m soilshaghey my ghlare dowin er y chlaasagh.

Psalmyn 92:3

Er greïe-chiaull dy yeih strengyn, as er y lute: er greïe ard, as er y chlaasagh.

1 Corinthianee 14:1

Eiyr-jee da graih [Creestee], as yeearree-jee dy jeean giootyn spyrrydoil, agh erskyn ooilley dy vod shiu bun y choyrt er goo Yee.

1 Samuel 10:10

As tra v’ad er jeet gys y chronk, cur-my-ner, haink sheshaght d’adeyryn ny whail; as va Spyrryd Yee er, as ghow eh arraneyn-moyllee mâroo.

1 Samuel 10:4

As nee ad dty vannaghey, as ver ad dhyt daa willeen arran, nee oo y ghoaill veih nyn laueyn.

1 Samuel 13:2

Ren Saul reih three thousaneyn dy gheiney Israel: jeu shoh va daa housane marish Saul ayns Michmash, as ayns cronk Beth-el, as va thousane marish Jonathan ayns Gibeah jeh Benjamin: as son y chooid elley jeh’n pobble hug eh thie dy chooilley ghooinney gys e chummal hene.

1 Samuel 13:3

As woaill Jonathan garrison ny Philistinee va ayns Gebah; as cheayll ny Philistinee jeh. As heid Saul yn trumpet trooid ooilley yn cheer, gra, Lhig da ny Hebrewnee clashtyn.

1 Samuel 19:20

As hug Saul chaghteryn dy ghoaill David: as tra honnick ad y cheshaght dy adeyryn phadeyrys, as Samuel ny hassoo myr mainshtyr harrystoo, haink Spyrryd Yee er chaghteryn Saul, as ren adsyn phadeyrys myrgeddin.

1 Samuel 9:12

As dreggyr ad, as dooyrt ad, T’eh; cur-my-ner, t’eh reue: jean-jee siyr nish; son haink eh jiu gys yn ard-valley; son ta oural-feailley ec yn pobble dy hebbal jiu er yn ard-altar.